Eńbek resýrstaryn damytý ortalyǵynyń (ERDO) sarapshylary 2025 jylǵa arnalǵan bos jumys oryndaryna qatysty qysqa merzimdi boljamyn ázirlep, jarııalady. Bul boljamǵa sáıkes, Enbek.kz elektrondyq eńbek bırjasynda 1,09–1,25 mıllıon aralyǵynda bos jumys orny usynylady. Sonyń ishinde 243–350 myńǵa jýyǵy jumysshy mamandyqtaryna tıesili bolmaq, dep habarlaıdy Egemen.kz mınıstrliktiń baspasóz qyzmetine silteme jasap.
Jumys berýshiler arasynda eń kóp suranysqa ıe bilikti mamandar retinde kelesi mamandyqtar ataldy: orta mektep muǵalimderi (qoǵamdyq pánder boıynsha) – shamamen 29,5 myń bos jumys orny, balabaqsha tárbıeshileri – 22 myń, naýqastardy kútý boıynsha – 19 myń, bastaýysh synyp muǵalimderi – 17 myń bos oryn.
Sondaı-aq, mınıstrlik eń qajetti jumysshy mamandyqtaryn atady.
«Jumysshy kásipterine qatysty kútim jasaıtyn ortasha personal úshin bos jumys oryndarynyń sany shamamen 23,3 myń, aspazshylar – 11,6 myń, santehnıkter men qubyr júrgizýshiler – 11,3 myń, qazandyqtar men bý mashınalarynyń operatorlary – 9,9 myń, qurylysshylar-montajshylar – 9,1 myń, ónerkásiptik jabdyqtardyń slesarlary – 9 myń, gaz keskishter – 8,9 myń, avtobýs júrgizýshileri – 7,6 myń, elektr energııasyn óndirý jónindegi operatorlar – 6,7 myń birlikti quraıdy», delingen habarlamada.
Vakansııalar sany boıynsha eń belsendi óńirler retinde Astana, Almaty, Túrkistan, Pavlodar jáne Qaraǵandy oblystary ataldy.
Jumysshy kásipteriniń eń kóp suranysqa ıe jumyskerler qataryna kútim jasaý jónindegi orta medısınalyq personal, aspazdar, santehnıkter men qubyr tartýshy, ónerkásiptik jabdyqtardyń slesarlary, qazandyqtar men bý mashınalarynyń operatorlary, gaz keskishter, qurylysshy-montajshylar, avtobýs júrgizýshileri, elektr energııasyn óndirý jónindegi operatorlar men traktorshylar kiredi.