IIM Ulttyq ulany Akademııasynyń kýrsanty Asqar Jalelovtiń otbasy uzaq jyldardan beri áskerı qyzmet atqaryp keledi, dep jazady Egemen.kz.
Arǵy atasy – Tókesh О́teǵalı ekinshi dúnıejúzilik soǵysqa qatyssa, atasy – Jalel Tókeshov Samarqan qalasynda radıobaılanys salasynda qyzmet etken, al, ákesi – Kenjebek Tókeshov Ulttyq ulan qatarynda polkovnık sheninde qyzmet etedi. Bala kúninen Otan qorǵaý isine qushtar bolǵan ol áskerı saladaǵy radıobaılanys mamany retinde bilim alyp jatyr. Osylaısha, saladaǵy qyzmet 4 ataǵa jalǵasyp, bir áýlet áskerı dınastııaǵa aınalǵan.
Ulttyq ulannyń baspasóz qyzmetiniń málimdeýinshe Asqar Jalelov – úzdik kýrsant. Qazirgi ýaqytta ol ishki ister organdarynyń baılanys júıesine jasandy ıntellektini engizý boıynsha ınnovasııalyq joba daıyndap jatyr.
«Munyń bir artyqshylyǵy – adam faktoryn boldyrmaıdy. Jobada júz paıyzǵa deıin bet-álpetti taný fýnksııasyn qamtamasyz etý josparlanǵan. Bul júıe Ulttyq ulanǵa engizilgen Hytalkpro kesheni arqyly uıymdastyrylady», deıdi kýrsant A.Jalelov.
Qazirgi ýaqytta Akademııada 700-ge jýyq kýrsant bilim alady eken, arasynda Tájikstannan kelip oqyp jatqandar da bar.