AQSh-tyń Tehas shtatyndaǵy Hıýston qalasynda 16 jasqa tolý qurmetine uıymdastyrylǵan týǵan kún keshi jantúrshigerlik atyspen aıaqtaldy. Oqıǵa jeksenbige qaraǵan túni saǵat 00:40 shamasynda Cherrıhıll kóshesiniń 6000-blogynda bolǵan, dep habarlaıdy Egemen.kz.
Polısııa málimetinshe, keshke shaqyrylmaǵan beıtanys adam kelip, kenetten oq jaýdyrǵan. Buǵan jaýap retinde keshke qatysqan basqa qonaqtar da qarý qoldanyp, atys bastalyp ketken.
Saldarynan 16 men 40 jas aralyǵyndaǵy 15 adam túrli deńgeıdegi jaraqatpen aýrýhanaǵa jetkizilgen. Atys kezinde 18 jastaǵy bozbala aýyr jaraqat alyp, aýrýhanada kóz jumǵan.
Qazirgi ýaqytta atysqa kúdikti adamnyń jeke basy anyqtalyp jatyr. Quqyq qorǵaý organdary tergeý júrgizip jatyr.
Aıta keteıik, buǵan deıin Florıda shtatyndaǵy ýnıversıtet aýmaǵynda taǵy bir atys tirkelip, eki adam qaza taýyp, altaýy jaralanǵan bolatyn.