Ulttyq statıstıka bıýrosy elimizdiń 2025 jylǵy qańtar-sáýirdegi áleýmettik–ekonomıkalyq damýynyń aldyn ala qorytyndylaryn jarııalady, dep jazady Egemen.kz.
Atalǵan 4 aıda kólik salasynda - 22,4%, saýdada - 7%, aýyl sharýashylyǵynda - 3,9% jáne baılanys salasynda - 2,6% damý kórsetkishi tirkelgen. Al jalpy ishki ónim ósimi 6%-dy quraǵan. Kólik salasyndaǵy ósimge temir jol jáne qubyr kóligimen júkterdi tasymaldaýdyń artýy negiz bolǵan.
Saýdada kóterme saýda kórsetkishi 7,4%-ǵa, bólshek saýda kórsetkishi 6,1%-ǵa deıin ósken. О́ńirler boıynsha jiktesek, Túrkistan oblysy – jemisterdi, kókónisterdi, farmasevtıkalyq taýarlardy satatyn kásiporyndar esebinen 60,4%, Aqmola oblysy – astyqty, tuqymdardy jáne mal azyǵyn satatyn kásiporyndardyń arqasynda - 44%, Shymkent – dızel otynyn, farmasevtıkalyq taýarlardy, qara jáne tústi metaldardyń synyqtary men qaldyqtardy satatyn kásiporyndar esebinen 19,8%-ǵa joǵary ósimdi kórsetken.
О́nerkásipte óndiris ındeksi 6,4% jetken. О́sim taý-ken sektorynda – 7,1%, onyń ishinde kómir óndirýdi ulǵaıtý esebinen -11,2% ósim baıqalyp otyr. О́ńdeý ónerkásibinde kórsetkish - 7,2% quraıdy, onyń ishinde tamaq ónimderin óńdeý - 12%, temeki ónimderin - 26,3%, hımııalyq ónimderdi óndirý - 11,2% jáne mashına jasaý - 11,2% tirkelgen. Aýyl sharýashylyǵy oń dınamıkany kórsetýde. Jalpy ónim ındeksi qańtar-sáýir aılarynda 3,9%-dy quraǵan.