Oljas Bektenov PepsiCo kompanııasynyń Reseı, Belarýs, Kavkaz jáne Ortalyq Azııa óńiri boıynsha prezıdenti Davıd Manzınımen Almaty oblysynda zaýyt salý máselesin talqylady, dep jazady Egemen.kz.
Jańa PepsiCo zaýyty Ortalyq Azııadaǵy eń iri zaýyt bolady. 2024 jylǵy maýsymda ótken kelissózder qorytyndysy boıynsha ınvestısııa kólemi $160 mln bolatyny josparlanǵan. Kartop óńdeýdiń óndiristik qýaty men kólemi úsh esege artyp, 70 myń tonnadan 210 myń tonnaǵa deıin ósedi. Bul jylyna shamamen 70 myń tonna daıyn ónim shyǵarylady degen sóz. Kásiporynda 900-ge jýyq jumys orny ashylady.
«Biz joǵary óńdelgen daıyn ónim shyǵarýǵa baǵyttalǵan osyndaı jobalardy tolyq qoldaımyz. Memlekettik organdar eki apta ishinde barlyq qajetti sheshimderdi qabyldaıdy», dedi Oljas Bektenov.
Davıd Manzını jobanyń birinshi kezeńin iske qosý jáne qazaqstandyq ónimniń birinshi partııasyn shyǵarý 2026 jyldyń naýryz aıyna josparlanǵanyn, 2027 jyldyń qyrkúıeginde zaýyttyń tolyq qýatqa shyǵýy josparlanyp otyrǵanyn aıtty. Joba aıasynda jergilikti shıkizat paıdalanylyp, kartopty jetkizýge qazaqstandyq fermerlik sharýashylyqtar tartylady.
«Biz Qazaqstan bıligi tarapynan kórsetilgen qoldaýdy joǵary baǵalaımyz. Sheteldik ınvestor retinde bizge qolaıly jaǵdaılar jasalǵan. Búginde joǵary áleýetti kórip otyrmyz, sondyqtan Qazaqstanǵa ınvestısııa kólemin eki esege arttyrý týraly sheshim qabyldadyq», dedi Devıd Manzını.
Kezdesý nátıjesinde Syrtqy ister mınıstrligine eki apta ishinde Qazaqstan Úkimeti men PepsiCo arasynda Investısııalar týraly kelisim daıyndaý tapsyryldy. Osy merzimde Aýyl sharýashylyǵy mınıstrligi ınvestor úshin barynsha qolaıly jaǵdaı jasaý maqsatynda Investısııalyq salymdar kezinde agroónerkásip kesheni sýbektisi shyǵystarynyń bir bóligin óteý boıynsha sýbsıdııalaý qaǵıdalaryna qajetti túzetýler engizedi.