Budan bylaı AQSh-tyń baıyrǵy Smıtson ortalyǵynyń qoldaýymen Qazaqstannyń mádenı mura qorynyń jumysyna qosa, qolónershilikti qoldaý bastamasy iske qosylmaq. Osy bastamaǵa oraı, Smıtson ınstıtýtynyń Halyqtyq jáne mádenı mura ortalyǵynyń (Vashıngton, AQSh) mamandary bıyl mamyr aıynda jergilikti qolónershilermen tanysý, tájirıbe almasý jáne úsh jyldyq yntymaqtastyq ornatý josparyn qurý maqsatynda Qazaqstanǵa kelip, ońtústik óńirlerge saparlaǵan edi, dep jazady Egemen.kz.
О́z kezeginde jergilikti dástúrli qolónershilikti zertteýge, qujattap, tanymaldylyǵyn arttyrýǵa baǵyttalǵan jobaǵa «Shevron» kompanııasy men Qazaqstan Respýblıkasynyń AQSh-taǵy elshiligi uıytqy bolyp otyr.
О́ıtkeni, Qazaqstan qolónershileri odaǵy – 2012 jyly «Our Heritage» qorynyń, Shevron, IýNESKO, Eýrazııa odaǵy jáne QR Mádenıet mınıstrligi qoldaýymen qurylǵan bolatyn. Jyldarǵa sozylǵan áriptestiktiń aqasynda atalǵan Odaq qolóner túrlerinen júzdegen trenıng ótkizip, sheberlikterin shyńdap, damytyp otyr. Odaq qurylǵaly beri 12 jyl qatarynan «Sheber» respýblıkalyq baıqaýyn ótkizip, elimizdiń ár shalǵaıyndaǵy sheberler men ismerlerdi taýyp, óz kásipterin jalǵastyrýǵa jol ashyp keledi. Qazirgi tańda Odaqtyń 8 óńirde 150 ókili bar bolsa, el ishindegi jalpy sheberleriniń sany 650-deı bolady.
«Qazaqtyń uly oıshyl aqyny Abaı aıtqandaı: «О́ner jutamaıdy. Aldaý qospaı adal eńbegin satqan qolónerli – qazaqtyń áýlıesi sol», – deıdi Qolónershiler odaǵynyń prezıdenti Aıjan Bekqulova. – Sondyqtan da boıynda mádenı kody bar biregeı daryndy adamdardy qoldaý óte mańyzdy. Bizdiń Smıtson ınstıtýtynyń Halyqtyq jáne mádenı mura ortalyǵymen jáne «Shevron» kompanııasymen yntymaqtastyǵymyz jobalarymyzdy eń joǵary deńgeıde júzege asyrýǵa múmkindik beredi. Jastar úzdikterge qarap boı túzesin!»
«Mádenıet salasynyń jumystary ýaqytty talap etetindikten, «Shevron» kompanııasynyń osy baǵyttaǵy uzaq merzimdi ınvestısııasy komandamyzǵa aýqymdy jumystar atqarýyna septigin tıgizip, berik yntymaqtastyq ornatyp, búkil Smıtson ınstıtýty boıynsha mamandardyń Qazaqstandaǵy áriptesterimen tájirıbe almasýǵa qatystyrýǵa múmkindik berip otyr», – deıdi Smıtson ortalyǵynyń arnaıy jobalar jónindegi dırektory Hollı Batvın.
Jobanyń jergilikti seriktesi Qazaqstannyń qolónershiler ortalyǵy bolsa, bul ortalyq Qazaqstan jastaryn qolóner jumysyna kóptep tartýǵa, qolóner kásiporyndarynyń bilimin, mashyǵy men tabysyn arttyrýǵa, sondaı-aq Qazaqstan qolónershileri men basqa elder arasyndaǵy baılanysty nyǵaıtýǵa belsene aralasady.
Taıaý kúnderi osy eki uıymnyń ókilderi Almaty, Shymkent, Taraz jáne Túrkistan qalalaryndaǵy qolóner sheberhanalaryna baryp, áleýetti seriktestermen kezdesti, sharalar uıymdastyryp, jastardy qolóner qoǵamdastyǵyna qatystyrý týraly paneldik talqylaýlar júrgizgen. Aldaǵy ýaqytta Smıtson ortalyǵy sarapshylary zertteý saparynda tańdap alǵan qazaqstandyq qolónershiler Santa-Fedegi (Nıý-Meksıko shtaty) Halyqaralyq halyq óneri jármeńkesina qosa, Almatynyń týystas qalasy – Týson (Arızona shtaty) qalasyna oqytý saparyna qatysady. Sapar aıasynda qolóner kásipkerligin damytý jónindegi sheberlik sabaqtary ótedi. Qyrkúıek aıynda Týson qalasynyń qolónershileri Almatyǵa Qolóner festıvaline barady.