Saranda óndirilgen shınalar alǵash ret otandyq avtozaýyttarǵa jóneltildi. Alǵashqy bóligi – 900 dana. Aıtýly jańalyq – otandyq óndiristiń oljasy ǵana emes, mashına jasaý salasy úshin jańa saty, tyń beles.
Sóıtip, buǵan deıin tek sheteldik shına taǵynǵan temir tulparlar endi tolyqtaı otandyq ónimmen qamtyla bastaıdy. Bastapqy 900 danasy Qostanaıdaǵy «Allur» kásipornyna jiberildi. Endi 205/55 R16 mólsherli «Attar S01» modeldi jazdyq shınalar otandyq jeńil avtokólikterdiń dóńgelegine taǵylady.
«Shına qurylymy 7 negizgi elementten turady. Germoqabat ónimniń germetıkalyǵyn qamtamasyz etip, aýanyń syrtqa shyǵýyna jol bermeıdi. Borttyq saqınalar men qanatshalar shına men dóńgelek dıskisiniń durys ornalasýyn qamtamasyz etedi. Kelesi element – búıirlik bólikter, osy arada barlyq jazý aıqyn oqylyp, kórinedi. Odan keıin qabattasyp ornalasqan karkas keledi. Ol eki túrge bólinedi: mataly jáne metaldy (breker). Negizgi mindeti – shınany mehanıkalyq zaqymdanýdan meılinshe qorǵaý. Sońǵy elementi – protektor. Osy jetilgen 7 elementtiń árqaısysy arnaıy jabdyq qalybynda óndiriledi», deıdi «Tengri Tyres» JShS dırektorynyń óndiris jáne tehnıkalyq qamtamasyz etý jónindegi orynbasary Maksım Belıavskıı.
О́nim aldyn ala «omologasııadan» ótken. Bul – ónimniń nemese tehnıkalyq qurylǵynyń tıisti standart pen talapqa sáıkes ekenin resmı rastaý. Bul úrdis kóbine avtokólik ónerkásibinde qurylǵylardy paıdalaný qaýipsizdigi men tıimdiligin tekserý úshin qoldanylady. Naryqta omologasııasyz ónimdi sertıfıkattaý jáne satý múlde múmkin emes. Demek ónimniń naryqqa shyǵýyna jáne onyń qaýipsizdigin qamtamasyz etýge kepildik bar.
Zaýyttaǵy baqylaý úrdisi qatań. Ár shına mindetti vızýaldy tekserýden soń, avtomatty quraldarmen synaqtan ótedi. Tehnıkalyq tekserýden ótpegen ónim jaramsyz dep tanylyp, qaıta óńdeledi.
О́ndiris rettiligi 5 kezeńdi qamtıdy. Alǵashqyda ártúrli shıkizat túrinen rezeńke qospalar ázirlenedi. Sosyn sapaly shınanyń jabdyqtary (mataly kord, breker, protektor) daıyndalady. Odan keıin barlyǵy jınaqtalyp, shına qalybyna kelgende ony výlkanızasııalaý úderisi júredi. Kúrdeli qalyptaý amaldary arnaýly qalypta joǵary qysym men belgili bir temperatýrada júzege asyrylady. Osylaısha, rezeńke qospasy óz qasıetterin ózgertip, qajetti protektor men búıirlik bólikterdiń sýretimen sońǵy pishini shyǵady. Sońynda daıyn ónim óte muqııat tekseristen ótedi.
Shına zaýytynyń qurylysy 2021 jyly Saran ındýstrııalyq aımaǵynda bastaldy. Alpaýyt jobaǵa ınvestorlar – PAO «Tatneft» ashyq AQ men «GK «Allıýr» AQ ártarapty qoldaý kórsetken. Quıylǵan jalpy ınvestısııa kólemi – 531,8 mln dollar. Zaýyt alańy – 106 myń sharshy metr. Kásiporynda álemdik óndirýshilerdiń zamanaýı jabdyqtary bar. Ozyq tehnologııa rezeńke qospalardy ázirleýden bastap, jınaqtaý men výlkanızasııaǵa deıin tolyq sıklmen shınalardy óndirýge meılinshe múmkindik berip otyr. Mundaı óndiris orny eksporttyq baǵytty da damytady.
Zaýyt jylyna 3 mln jeńil jáne 500 myń júk kóligine arnalǵan shına shyǵara alady. Byltyr maýsymda «Attar» brendiniń jeńil avtokólikterine arnalǵan shınalardyń serııalyq óndirisi jolǵa qoıyldy. Jeńil avtokólikter men jol talǵamaıtyn temir tulparlarǵa arnalǵan qos modeldi shına ázirlendi. Munymen qosa, qysqy shınanyń da túrlerin shyǵardy.
«Attar» brendiniń ónimderi ótken jyldan beri ishki naryqqa shyǵaryldy. Shınalar resmı dıstrıbıýtorlardyń mamandandyrylǵan dúkender jelisi arqyly saýdaǵa túsken. Dılerlik ortalyqtar arqyly satylady. Eksport máselesi de jolǵa qoıylǵan. Byltyr jazda «Attar» shınalarynyń Reseıge alǵashqy jetkizilimderi bastaldy. Kásiporynnyń otandyq avtozaýyttarmen de yntymaqtastyǵy bar», deıdi Maksım Belıavskıı.
Qazir zaýytta shamamen 800 adam jumys isteıdi. Keleshekte olardyń sany 1100-ge deıin artýy múmkin. Qyzmetkerlerdiń kóbi shetelde arnaıy taǵylymdamadan ótken.
Qaraǵandy oblysy,
Saran qalasy