Elimizde koronavırýs ınfeksııasyna baılanysty epıdemıologııalyq jaǵdaı turaqty. Bul týraly Sanıtarııalyq-epıdemıologııalyq baqylaý komıteti málimdedi, dep habarlaıdy Egemen.kz.
Densaýlyq saqtaý mınıstrligi apta saıyn el aýmaǵyndaǵy aýrýshańdyq deńgeıi men jahandyq jaǵdaıǵa monıtorıng júrgizip otyr.
«Jyl basynan beri COVID-19-dyń 362 jaǵdaıy tirkeldi. О́tken jyldyń osyndaı kezeńimen salystyrǵanda syrqattanýshylyq deńgeıi 3,4 esege tómendegen, ólim jaǵdaıy tirkelgen joq. Aýrý jeńil túrde ótip jatyr, pasıentter ambýlatorııalyq jaǵdaıda em qabyldap jatyr», delingen habarlamada.
Aıta keteıik, elimizde vırýstyń aınalymy men mýtasııalaryna toqsan saıyn qadaǵalaý júrgiziledi. Bıyl anyqtalǵan barlyq jaǵdaılarda – 100% kórsetkish boıynsha – Omıkron nusqasy tirkelgen. Atap aıtqanda, JN.1 tarmaǵy jáne onyń LF.7.1.3, LP.8.1, LF.7.6 pen KP.3.1.1 qosalqy túrleri anyqtalǵan.
Dúnıejúzilik densaýlyq saqtaý uıymynyń derekterine sáıkes, sáýir men mamyr aralyǵynda álemde 23 164 rastalǵan jaǵdaı tirkelgen. Qazirgi ýaqytta jahandyq deńgeıde Omıkronnyń LP.8.1, JN.1, NB.1.8.1 jáne basqa da nusqalary aınalymda júr.
Damıra TО́LEGEN
EUÝ stýdenti