Grekııa astanasy Afınada qazaq kınosynyń kúnderi ótti. Mádenı is-shara aıasynda Qazaqstan Respýblıkasy Mádenıet jáne aqparat mınıstrligi men «Qazaqfılm» ulttyq kınostýdııasynyń qoldaýymen túsirilgen fılmder grek kórermenine usynyldy.
Festıval baǵdarlamasyna Qazaqstan tarıhy, mádenıeti men halyq batyrlary týraly baıandaıtyn klassıkalyq jáne zamanaýı fılmder kirdi. Kıno kúnderi saq patshaıymy, erkindik pen batyldyqtyń rámizine aınalǵan Tomırıs týraly tarıhı fılmniń kórsetilimimen bastaldy. Bul týyndy festıval qonaqtary tarapynan qyzyǵýshylyq týdyrdy. Sol sebepti fılmdi Grekııada prokatqa shyǵarý múmkindigi týraly kelissóz júrgizilip jatyr.
Sondaı-aq kórermenge aty ańyzǵa aınalǵan «Dos-Muqasan» ansambline arnalǵan kıno týyndysy men «Qazaqfılm» qaıta qalpyna keltirgen qazaq kınosynyń klassıkasy «Meniń atym Qoja» fılmi kórsetildi.
Kórsetilimnen keıin qazaqstandyq akterler men rejısserler jáne grek kınoóndirisiniń ókilderi qatysqan shyǵarmashylyq kezdesýler men pikirtalastar uıymdastyryldy. Festıvalge qatysýshylardyń pikirinshe, mundaı mádenı almasý jıyndary – Qazaqstan men Grekııa halyqtarynyń arasyndaǵy ózara túsinistik pen yntymaqtastyqty nyǵaıtýdyń tıimdi joly.
Osylaısha, Afınada ótken qazaq kınosynyń kúnderi grek kórermeniniń erekshe yqylasyna bólenip, eki el arasyndaǵy mádenı baılanysty odan ári nyǵaıta tústi.