«Jumysshy mamandyqtar jylyna» oraı Túrkistan óńirindegi kolledjerde 9 jańa mamandyq ashyldy. Júk kótergish mashınalar men transporterler, paıdaly qazbalardyń ken oryndaryn jer astynda óńdeý, jańartylǵan energetıka, jemister men kókónisterdi saqtaý jáne qaıta óńdeý, stamotologııa, farmasııa syndy jańa mamandyqtarǵa lısenzııalar alynǵan, dep jazady Egemen.kz.
Tehnıkalyq jáne kásiptik, orta bilimnen keıingi bilimi bar kadrlardy daıarlaýǵa arnalǵan memlekettik bilim berý tapsyrysyn qalyptastyrý men bólý jónindegi komıssııa arnaıy taldaý jasap, talapkerlerdiń mamandyqtarǵa túsý jáne túspeýin zerdelegen. Sonyń nátıjesinde bólingen granttar tolyq ıgerilip keledi. Oblystyq bilim basqarmasy basshysynyń orynbasary Aıgúl Qasymbekovanyń aıtýynsha, oblys ákimdiginiń salalyq basqarmalary, óńirlik kásipkerler palatasy, 17 aýdan jáne qala ákimdigi, kásiporyndardan 110 mamandyq boıynsha 23 myńnan asa orynǵa suranys kelgen. Bıyl óńirdegi kolledjderge 15 500 orynǵa grant qarastyrylyp otyr. Onyń ishinde 9600-i jumysshy mamandyqtaryna arnalǵan.