Jumysshy mamandyqtarynyń jyly aıasynda Oqý-aǵartý mınıstrligi, Pavlodar oblysy ákimdigi, Sıfrlyq damý, ınnovasııalar jáne aeroǵarysh ónerkásibi mınıstrligi, «Talap» KEAQ jáne «Astana Hub» halyqaralyq tehnoparkiniń qoldaýymen uıymdastyrýmen «INNOVATION» respýblıkalyq hakatony ótti, dep habarlaıdy Egemen.kz.
14 oblys pen 3 qaladan kelgen 27 myqty komandanyń basyn biriktirgen hakatonǵa kolledj stýdentteri men túlekteri, sondaı-aq aqparattyq tehnologııalar salasyndaǵy jas mamandar qatysty.
Qatysýshylar eki kún boıy sandyq sheshimderdi qurdy. Baǵalaý – ınnovasııalylyq, fýnksıonaldylyq, UX/UI-dızaın, praktıkalyq qoldaný jáne basqa da on negizgi krıterıı boıynsha júrgizildi.
Oqý-aǵartý mınıstrliginiń baspasóz qyzmetiniń habarlaýynsha «INNOVATION» hakatonynyń qorytyndysy mynadaı:
1 oryndy – Pavlodar qalasynyń Goodbalalar komandasy alsa, 2 oryndy – Aqmola oblysy, Shýchınsk qalasynyń «Bıtyı baıt» jáne Almaty qalasynyń CyberKumbez komandalary alyp, 3 oryndy – Pavlodar qalasynyń BlinkXES komandasy, Batys Qazaqstan oblysy Oral qalasynyń Aviola komandasy jáne Almaty qalasynyń Caspian Students komandasy ıelendi.
Negizgi júldelerden bólek arnaıy nomınasııalar boıynsha marapattar tabystaldy: «Úzdik tehnıkalyq sheshim» – Almaty oblysy Qonaev qalasynyń Warlock komandasy, «Dızaın sheberligi» – Almaty qalasynyń CreaTeam komandasy, «Úzdik komandalyq ózara is-qımyl» – Astana qalasynyń ATV Alliance komandasy, «Innovasııalyq joba» – Pavlodar qalasynyń DivSync komandasy, «Úzdik komanda jetekshisi» – Shyǵys Qazaqstan oblysy О́skemen qalasynyń Edgerunners komandasy, «Kreatıvti sheshim» – Qyzylorda qalasynyń ORDA komandasy.
Júlde qory 3,5 mıllıon teńgeni qurap, barlyq qatysýshylar, tálimgerler men komanda jetekshileri sertıfıkattar jáne aqshalaı syılyqtar aldy.