Ishki ister mınıstriniń birinshi orynbasary Baýyrjan Álenovtyń tóraǵalyǵymen óńirdiń polısııa departamentinde «Qarasora-2025» jedel-profılaktıkalyq is-sharasynyń resmı ashylýy ótip, oǵan IIM Esirtki qylmysyna qarsy is-qımyl komıtetiniń basshylyǵy, departamenttiń jedel qurylym qyzmetkerleri jáne quqyq buzýshylyqtyń aldyn alýǵa baǵyttalǵan keńestiń músheleri qatysty, dep habarlaıdy Egemen.kz.
Aýqymdy is-sharaǵa arnaıy tehnıka, drondar jáne tikushaqtar tartylyp, óńirde 18 mobıldik top quryldy jáne respýblıkalyq mańyzy bar avtojoldarda eki baqylaý-ótkizý beketi ornatyldy.
«Polısııa departamenti bastyǵynyń mindetin atqarýshy Qurmanbek Sahovtyń málimdeýinshe, zańsyz aınalymnan 200 kelige jýyq túrli esirtki tárkilenip, eki birdeı fıtozerthananyń qyzmeti toqtatylǵan. Sondaı-aq QR IIM ókilderi Halyqaralyq Qazaq-Túrik ýnıversıteti men Iаssy kolledjiniń stýdentterimen kezdesip, esirtkiniń aǵzaǵa zııany men qylmystyq jaýapkershilik týraly túsindirý jumystaryn júrgizdi», dep habarlady Polisia.kz saıty.
Sondaı-aq, vedomstvoaralyq shtab pen yntymaqtastyq jónindegi keńestiń májilisteri ótkizilip, atqarylǵan jumystar qorytyndylanyp, aldaǵy mindetter naqtylandy.