Túrkııa Respýblıkasynyń Býrsa qalasynda ótken qoıan-qoltyq urystan álem chempıonatynyń ekinshi jarys kúninde «Jekpe-jek» páninde Qazaqstan TJM qyzmetkerleri halyqaralyq arenada júldeli oryndarǵa ıe bolyp, tamasha nátıjeler kórsetti, dep habarlaıdy Egemen.kz.
Marııa Chebotareva - altyn medal jeńip alyp, álem chempıony atandy. Ol joǵary deńgeıdegi daıyndyqty, jeńiske degen jigerdi jáne jaýyngerlik rýhty aıqyn kórsetti.
Arýjan Bırkınbaeva men Tomırıs Júsipova kúmis júldeni jeńip alyp, Qazaqstan áıelder quramasynyń joǵary deńgeıin dáleldedi.
Sonymen qatar Sergeı Ýolter men Vladımır Demıanov «О́zin-ózi qorǵaý» dıssıplınasy boıynsha álem chempıony atandy.
Qazaqstan TJM qyzmetkerleri tarıhta tuńǵysh ret qoıan-qoltyq urystan álem chempıony atanǵany jeńiske erekshe mán beredi. Bul jaı ǵana sporttyq jetistik emes, bul qutqarýshylardyń kásibı jáne dene shynyqtyrý daıyndyǵynyń joǵary deńgeıin rastaıtyn mańyzdy jetistik.
Bul jetistik vedomstvonyń júıeli qoldaýynyń, sportshylardyń tabandylyǵynyń jáne turaqty damýǵa umtylysynyń arqasynda múmkin boldy. Álemdik arenadaǵy jeńis mınıstrliktiń ımıdjin nyǵaıtyp qana qoımaı, qyzmetkerlerdiń jańa býynyn shabyttandyrady.
Qutqarýshylar tótenshe jaǵdaılar kezine aldyńǵy qatarda turatyn qorǵaýshylar ǵana emes, sondaı-aq sporttyq arenadaǵy elimizdiń laıyqty ókilderi.