2025 jyldyń sońyna qaraı Kaspıı teńizinde Aqtaýdan Mahachkalaǵa deıin krýızdik laıner qatynasy qolǵa alynady, dep habarlaıdy Egemen.kz
Qazaqstannyń Týrızm jáne sport mınıstrligine qarasty Týrızm ındýstrııasy komıtetiniń málimetinshe, Mańǵystaý oblysy krýızdik týrızmdi damytýda zor áleýetke ıe. Osy baǵytta Aqtaý men Quryq porty aralyǵyndaǵy Kaspıı teńiziniń jaǵalaýynda teńiz kýrorttary men jaǵajaı demalysyn damytý josparlanǵan. Bul úshin jańa nysandar – qonaqúıler men taqyryptyq oıyn-saýyq saıabaqtary salynady.
Jospar boıynsha reseılik krýızdik laıner iske qosylady. Ol «Sýdaǵy bes juldyzdy qonaqúıler» tujyrymdamasyna saı keledi. Krýız marshrýtyna Aqtaý (Qazaqstan), Astrahan jáne Mahachkala (Reseı), Túrikmenbashy (Túrikmenstan), Amırobad, Noýshehr jáne Enzelı (Iran), sondaı-aq Baký (Ázirbaıjan) porttary kiredi.
Jyl sońyna deıin krýızdik keme paıdalanýǵa berilgennen keıin alǵashqy synaq saparyna shyǵady.
Sonymen qatar, teńiz krýızderin uıymdastyrý boıynsha jaǵalaýdaǵy eldermen qujattar jobalary ázirlenip jatyr. 2020 jyly bastalǵan Ázerbaıjanmen kelisim jáne 2019 jyly bastalǵan Iranmen kelisim jobalary bar. Qazirgi ýaqytta basqa Kaspıı mańy elderiniń ustanymdary kútilýde.
Týrızm komıtetiniń habarlaýynsha, bul jobalar jeke ınvestısııalar esebinen júzege asyrylady, memlekettik bıýdjetten qarjy bólinbeıdi.
Araılym MYRZAHAN, EUÝ stýdenti