Almaty qalasynda birneshe jyl boıy áleýmettik jeliler arqyly jańa týǵan sábılerdi zańsyz satýmen aınalysqan qylmystyq toptyń áreketi áshkerelendi, dep habarlaıdy Egemen.kz.
Tergeý barysynda belgili bolǵandaı, qylmystyq toptyń músheleri áleýmettik jeli arqyly bala asyrap alǵysy keletin adamdar men áleýmettik osal toptardan shyqqan áıelderdi baılanystyryp otyrǵan. Olardyń arasynda sheteldik azamatshalar da bolǵan.
Operatıvtik is-shara kezinde polıseıler jańa týǵan ul balany iri aqsha somasyna satý áreketin tirkep, kúdiktilerdi qylmys ústinde ustady. Qazirgi tańda atalǵan fakt boıynsha qylmystyq is qozǵalyp, kúdiktiler qamaýǵa alyndy. Sábı memleket qamqorlyǵyna alynyp, arnaıy mekemege ornalastyryldy.
Almaty qalalyq polısııa departamenti bastyǵynyń birinshi orynbasary Qýatbek Naýatov:
-Bul bir rettik oqıǵa emes. Biz ornyqqan, júıeli shema bolǵan dep sanaımyz. Múmkin, bul qylmys basqa óńirlermen de baılanysty. Jańa týǵan sábılerge qatysty mundaı zańsyz áreketter – adamgershilikke jat aýyr qylmys. Mundaı isterdiń eshqaısysy jazasyz qalmaıdy,- dedi.
Araılym MYRZAHAN, EUÝ stýdenti