Shymkent qalasynda jas áıeldiń taksı kóliginiń áınekterin uryp, syndyryp jatqan sáti vıdeoǵa túsip qalǵan, dep habarlaıdy Egemen.kz.
Áleýmettik jelide taraǵan beınejazbada áıel adamnyń kólik áınekterin uryp, syndyryp jatqany anyq kórinedi.
Polısııanyń habarlaýynsha, oqıǵaǵa oraı QR Qylmystyq kodeksiniń 204-baby «Bótenniń múlkin qasaqana joıý nemese búldirý» boıynsha qylmystyq is qozǵalǵan. Kúdikti ustalyp, ýaqytsha ustaý ızolıatoryna qamalǵan.
«Qazirgi ýaqytta tergeý amaldary júrgizilip jatyr. Saraptama qorytyndysy boıynsha prosessýaldyq sheshim qabyldanady», dep málimdedi Shymkent qalalyq polısııa departamentiniń baspasóz qyzmeti.
Aıta keteıik, mundaı áreket úshin 50 AEK-ke deıin (shamamen 196 600 teńge) aıyppul salynýy nemese 5-ten 20 táýlikke deıin ákimshilik qamaqqa alynýy múmkin. Eger materıaldyq shyǵyn kólemi eleýli dep tanylsa, is qylmystyq jaýapkershilikke ulasýy yqtımal.
Janel TО́LEÝBEKOVA, EUÝ stdýenti