Almatyda kezdeısoq ótip bara jatqan er adam turǵyn úıdiń tórtinshi qabatyndaǵy páterdiń balkonynda shyqqan órtti sóndirdi. Onyń erligi áleýmettik jeli qoldanýshylaryn tańqaldyrdy, dep jazady Egemen.kz.
Oqıǵa 4 maýsym kúni saǵat 17:07 shamasynda Naýryzbaı aýdany, Júnisov kóshesi 2/23 mekenjaıynda ornalasqan «Alma Sıtı» turǵyn úı kesheninde bolǵan. Qalalyq Tótenshe jaǵdaılar departamentiniń málimetinshe, on qabatty úıdiń tórtinshi qabatyndaǵy balkonda qoqys órtengen. О́rt aýmaǵy shamamen 1 sharshy metrdi quraǵan.
Oqıǵa kýágerleri túsirgen beıne TikTok jelisinde tarap, kópshiliktiń nazaryn aýdardy. Vıdeoda er adamnyń ǵımarattyń syrtymen órmelep, balkonǵa jetip, janyp jatqan zatty tómenge tastaǵany kórinedi.
Qalalyq TJD habarlaýynsha, órt sóndirýshiler kelgenge deıin órtti sóndirip úlgergen azamat — 33 jastaǵy Asyl Ahmetov.
«Ol batyldyq tanytyp, balkonǵa kirip, janyp jatqan qoqysty tómenge tastady. Osylaısha órttiń ári qaraı taralýynyń aldyn aldy. Qazirgi ýaqytta ol Tótenshe jaǵdaılar mınıstriniń atynan marapatqa usynyldy», dedi Almaty qalalyq TJD baspasóz qyzmeti.
Bul oqıǵa áleýmettik jelilerde qyzý talqylanyp, kópshilik Asyl Ahmetovtyń áreketin kınodaǵy kórinistermen salystyryp jatyr.
Janel TО́LEÝBEKOVA, EUÝ stýdenti