Alǵashqy túlekterin qanattandyrdy

Atalǵan joǵary oqý ornynda «Jasandy ıntellekt tehnologııa­lary» bilim baǵdarlamasy elimiz­diń jańa kásipter atlasyna baılanysty 2020 jyly ashyldy.

«Osydan 5 jyl buryn jańa mamandyqty ashqanda jaqyn arada JI-men jumys isteıtin kadrlar suranysqa ıe bolady oıladyq. Bul boljamymyz du­rys boldy. Alǵashqy jyly  stý­dentterdiń bir tobyn ǵana qabyl­­dadyq. Qazir jasandy ıntel­lekt boıynsha bilim alǵysy ke­le­tinderdiń sany tórt esege ósti», dedi Jasandy ıntellekt teh­no­­logııalary kafedrasynyń meń­ge­rý­shisi Bıbigúl Razahova.

Bakalavrıattyń tórt jylynda stýdentter kompıýterlik lıngvıstıka salasynda mashınalyq oqytýdy, derekterdi taldaýdy, ontologııalyq ınjenerııany, neırondyq júıe qosymshalaryn ázirleý jáne tabıǵı tildi óńdeý boıynsha bilim aldy. Sondaı-aq ulttyq jáne jeke IT-kompa­nııa­lar men ortalyqtarda taǵylym­damadan ótti.

Bul bilim baǵdarlamasy «ASIIN» ha­lyqaralyq agenttiginde akkredıttelgen. Ony ýnıversıtet jumys berýshilermen birlesip, olardyń suranysyn eskerip jasaǵan.

«Jasandy ıntellekt tehnolo­gııasyn meńgerý ońaı emes. Biraq ony qyzyqty etetin de osy kúr­de­lilik. Mamandyq maǵan ıntellektýaldy ósýge turaqty múm­kindik berdi. Trenıng barysynda teorııa men tájirıbeniń jaqsy úılesimi quryldy. Biz «Python», «TensorFlow», «Scikit-learn», «PyTorch» sııaqty qural­dar­dy paıdalana otyryp, naqty jobalar jasadyq. Kýrstyq jumysta alǵan bilimimizdi táji­rı­bede qoldandyq. Sonymen qatar komandalyq jumysqa atsalysyp, ǵylymı jobalardy iske asyryp, hakatondarǵa qatystyq», deıdi jas maman ıesi Daıana Ospanova. Bolashaqta Daıana jasandy ıntellekt salasynda ınjener-sarapshy bolyp jumys istegisi keledi.

Bir aıta keterligi, bul maman­dyq boıynsha bizdiń ǵana emes, TMD elderinen kelgen sheteldik stýdentter de bilim alady. Olarǵa otandyq oqytýshylarmen birge AQSh, Qytaı, Malaızııa sekildi jetekshi joǵary oqý oryn­­da­rynyń ǵalymdary dáris oqıdy.