Qazaqstan jahandyq shıkizat naryǵynda óz pozısııasyn nyǵaıtyp, turaqty damý, sıfrlandyrý jáne paıdaly qazbalardy barlaý men qaıta óńdeýge ınvestısııa tartý baǵytyn ustanýda, dep jazady Egemen.kz.
О́nerkásip jáne qurylys mınıstrligi salanyń negizgi jetistikterin atady:
• Taý-ken metallýrgııa kesheniniń JIО́-degi úlesi 8%, óndirilgen ónim kólemi 14,3 trln teńgeden, eksport kólemi 21,4 mlrd AQSh dollarynan asty.
• Avstralııalyq model negizinde engizilgen jer qoınaýyn paıdalaný júıesi geologııalyq barlaýǵa 420 mlrd teńgeden astam ınvestısııa tartýǵa múmkindik berdi.
• Jalpy quny 3,5 trln teńgeden asatyn bes iri ınvestısııalyq joba iske qosylady dep kútilýde, nátıjesinde 8 myńǵa jýyq jańa jumys orny ashylady.
• Qazaqstan tıtan, mys, alıýmınıı, ferroqorytpalar, sondaı-aq berıllıı, tantal jáne nıobıı syndy sırek ári strategııalyq mańyzdy metaldardy óndirýde álemdik kóshbasshylar qatarynda.
• Jer qoınaýyn paıdalanýda aınalmaly (sırkýlıarly) modelge kóshý jalǵasýda: 55 mlrd tonnadan astam tehnogendik mıneraldyq túzilimderdi (TMT) túgendeý jumystary bastaldy.
• 2025 jyly elimizde tuńǵysh ret volfram óndirisi iske qosylady, sondaı-aq ystyqqa tózimdi nıkel qorytpalary, gallıı jáne ıntermetallıdterdi óndirý tehnologııalaryn damytý isi jalǵasyp jatyr.
Aıta keteıik, Qazaqstan baı mıneraldyq qordy zamanaýı ınfraqurylymmen jáne jahandyq turaqty damý standarttarymen ushtastyra otyryp, halyqaralyq seriktester men ınvestorlar úshin ashyq, turaqty jáne boljamdy orta qalyptastyrýda.