Bıylǵy jyldyń 1 maýsymyndaǵy jaǵdaıǵa sáıkes memlekettik eńbek ınspektorlary elimizdegi 85 kásiporynda jalaqy boıynsha bereshek bar ekenin anyqtady. Atalǵan kásiporyndar 2 myńnan astam qyzmetkerge 814 mıllıon teńgeden astam eńbekaqyny ýaqtyly tólemegen, dep habarlaıdy Egemen.kz.
Sonymen qatar, ártúrli uıymdarda júrgizilgen tekserýler barysynda eńbek quqyǵynyń buzylýyna qatysty 2,4 myńnan astam fakt tirkeldi. Osyǵan baılanysty jumys berýshilerge zań talaptaryn oryndaý jóninde 1 588 uıǵarym berilip, jalpy somasy 194 mıllıon teńgeden astam ákimshilik aıyppul salyndy.
Qabyldanǵan sharalardyń nátıjesinde jalaqy qaryzyn óteý boıynsha naqty kesteler belgilenip, 1,9 myń jumyskerdiń quqyǵy qorǵaldy. Olarǵa 677 mıllıon teńgeden astam jalaqy tólendi.
Eńbek zańnamasynyń saqtalýyna memlekettik baqylaý turaqty negizde júzege asyrylyp otyr. Bul baǵyttaǵy jumystar Eńbek jáne halyqty áleýmettik qorǵaý mınıstrliginiń erekshe baqylaýynda.
Osy jyldyń alǵashqy bes aıynda memlekettik eńbek ınspektorlary 2 381 tekserý júrgizip, 2 941 quqyqbuzýshylyqty anyqtady. Onyń ishinde:
eńbek qatynastary salasynda – 2 428;
eńbek qaýipsizdigi jáne eńbekti qorǵaý baǵytynda – 496;
halyqty jumyspen qamtý salasynda – 17.
Jalpy alǵanda, qabyldanǵan sharalardyń arqasynda 17,2 myń jumyskerdiń eńbek quqyqtary qorǵaldy.