Atalǵan óńir dıqandaryna sýarý kezeńi bastalǵaly 1,28 mlrd tekshe metr sý berilgen. Oblystaǵy «Qazsýshar» fılıaly 982 sharýa qojalyǵymen sý berý týraly kelisimshart jasasyp, jalpy alǵanda, 126,3 myń gektar egis alqabyn sýarý úshin 3 mlrd tekshe metrden astam sý jiberý josparǵa alynǵan, dep jazady Egemen.kz.
Sonymen qatar atalǵan fılıal oblys ákimdigimen birlesip, egilgen daqyldardy tolyq sýmen qamtý baǵytynda jumystardy bastady. Eldi mekenderde túsindirý jumystaryn júrgizý úshin arnaıy monıtorıngtik top quryldy. Barlyq magıstraldyq jáne sharýashylyqaralyq kanal arqyly sýdy kezekpen berý kestesi jasaldy.
«Sýarmaly sýdy qaıta paıdalaný maqsatynda sý paıdalanýshylarǵa kúrish alqaptarynan sýdy kollektorlar arqyly jınap, oǵan sorǵy qondyrǵylaryn ornatý tártibi jóninde túsindirý jumystary júrgizilip jatyr», dep habarlandy Sý resýrstary jáne ırrıgasııa mınıstrliginen.