2025-2026 oqý jylynda 300 myńnan astam oqýshy ornyna eseptelgen 200-den astam jańa mektep (jartysyna jýyǵy aýyldarda ornalasady) salý josparǵa alynǵan. Sonyń ishinde 206 myń oqýshy ornyna arnalǵan 112 mektep «Keleshek mektepteri» ulttyq jobasy sheńberinde paıdalanýǵa beriledi, dep habarlaıdy Egemen.kz.
Jobalardy iske asyrý qala men aýyl mektepteri arasyndaǵy alshaqtyqty azaıtýǵa, apatty 15 mekteptiń máselesin sheshýge, úsh aýysymdy oqytý men 150 myńǵa jýyq oqýshy ornynyń tapshylyǵyn joıýǵa múmkindik beredi. Sondaı-aq bıyl 248 mektep renovasııadan ótip, shatyrlar aýystyrylady, qasbetteri-terezeler jańartylady, ınjenerlik jelilerge kúrdeli jóndeý júrgizilip, aýmaqtary abattandyrylady.
Oqý-aǵartý mınıstrliginiń baspasóz qyzmetiniń málimdeýinshe qosymsha 1000 aýyl mektebinde jóndeý jumystary júrgizilip, jıhaz jańartylady, kitaphanalar, ashanalar men qaýipsizdik júıeleri jabdyqtalady. Sonymen qatar hımııa, fızıka, bıologııa, robototehnıka jáne STEM baǵyttary boıynsha 1000 zamanaýı pándik kabınet satyp alynyp jatyr.
Eske salaıyq, 2019 jyldan beri salada aýqymdy ınfraqurylymdyq jobalar júzege asyrylyp keledi. Sodan beri 1200 jańa mektep ashylyp, 1 mıllıonnan astam oqýshy orny qamtamasyz etilgen.