Aqmola oblysynda bir aýyldyq okrýgke qarasty eki aýyl alkogolden bas tartty. Bul týraly Ishki ister mınıstrliginiń baspasóz qyzmeti habarlady, dep jazady Egemen.kz.
Zerendi aýdanyna qarasty Qanaı bı okrýginiń eki aýylynda turǵyndar óz erikterimen alkogol ónimderin satýdan bas tartqan.
Aýyldyq okrýgtiń ákimi Medet Aqmaǵambetovtiń aıtýynsha, bul eldi mekenderde sońǵy úsh jylda birde-bir qylmys, otbasylyq janjal nemese usaq buzaqylyq tirkelmegen.
Qazaqstan Respýblıkasy Ishki ister mınıstrliginiń habarlaýynsha, okrýgke «Zııaly qaýym» baǵdarlamasyn engizý bastamasyn polısııa qyzmetkerleri kótergen. Ony jergilikti bılik, turǵyndar men qoǵamdyq uıymdar belsendi túrde qoldaǵan.
Zerendi aýdandyq jergilikti polısııa qyzmetiniń basshysy Ernar Sadyrbaevtyń aıtýynsha, qazirgi tańda bul demalys aımaǵynda 11 aýyl alkogol satýdan tolyqtaı bas tartqan. Basqa eldi mekenderdiń turǵyndary da osy bastamaǵa qosylýǵa nıetti ekenin bildirip otyr. Sondyqtan polısııa qyzmetkeriniń pikirinshe, bolashaqta mundaı aýyldardyń sany edáýir artýy múmkin.