Aqtóbe oblysynda jobalyq quny $ 1,2 mlrd quraıtyn karbamıd zaýyty salynatyn boldy. Bul týraly QHR tóraǵasy Sı Szınpınniń jumys sapary aıasynda «Qytaı-Ortalyq Azııa» ındýstrııalyq-ınvestısııalyq forýmynda QR Energetıka mınıstrligi, Aqtóbe oblysynyń ákimdigi, Qytaı ulttyq munaı-gaz korporasııasy (CNPC) jáne «QazMunaıGaz» UK» AQ arasynda jasalǵan kelisim barysynda málim boldy, dep habarlaıdy Egemen.kz.
Zaýyt qurylysyna qajetti taýarlyq gazben «SNPS-Aqtóbemunaıgaz» AQ-y qamtamasyz etetin bolady. Forým aıasynda Aqtóbe oblysy ákimdigi men Qytaıdyń Zhongbo Group kompanııasy arasynda ózara túsinistik týraly kelisimge qol qoıyldy. Kompanııa óńirde jańartylatyn energııa kózderi, agroónerkásiptik keshen, óńdeý ónerkásibine ınvestısııa salýǵa daıyn ekendikterin bildirdi.
Aqtóbe oblysy.