2025 jylǵy 17 maýsymda Astanada Qazaqstannyń Energetıka mınıstrligi Power Central Asia + China atty alǵashqy óńirlik energetıkalyq forýmnyń nátıjelerin jarııa etti. Bul forým energetıka men ındýstrııa salalaryndaǵy yntymaqtastyqty tereńdetip, birlesken jobalardy iske asyrýǵa, tájirıbe almasýǵa jáne ashyq dıalog ornatýǵa arnalǵan halyqaralyq mańyzy bar alańǵa aınaldy, dep habarlaıdy Egemen.kz mınıstrliktiń baspasóz qyzmetine silteme jasap.
Forým aıasynda birneshe kún boıy qatysýshylar energetıkalyq transformasııanyń ózekti máseleleri men damý áleýetin talqylap, Qazaqstan men Ortalyq Azııa memleketteri úshin mańyzdy strategııalyq kelisimder men ózara túsinistikke qol jetkizdi.
Forým Qazaqstannyń energetıkalyq sektoryndaǵy qazirgi zamanǵy úrdister men umtylystardy beıneleıtin 10 basym baǵytty qamtydy. Atap aıtqanda, kelesi máseleler kóterildi:
jańartylatyn energııa kózderin (JEK) energetıkalyq júıege ıntegrasııalaý, júktemelerdi sıfrlyq basqarý jáne jelilerdiń turaqtylyǵyn arttyrý; gıdroakkýmýlırleýshi stansııalar men energııa saqtaý júıelerin damytý; HVDC tehnologııalaryn qoldaný jáne shekaraaralyq elektr energııasyn tasymaldaýdy jetildirý; sıfrlyq energetıkalyq júıelerdi, jasandy ıntellekt, Smart Grid jáne kıberqaýipsizdik elementterin engizý; Qazaqstanda óndiristerdi ındýstrııalandyrý jáne jergiliktendirý; ádiletti energetıkalyq kóshý, dekarbonızasııa jáne ESG-strategııalaryn ilgeriletý; ınvestısııalyq preferensııalar men qarjylandyrý modelderi: MJÁ-den bastap «jasyl» qorlar men eksporttyq agenttikterdiń qoldaýyna deıin; sýtekti energetıkany jáne tómenkómirtekti tehnologııalardy, sonyń ishinde kómirqyshqyl gazyn ustaý, paıdalaný jáne saqtaý (CCUS) men kómirhımııany damytý; ǵylymı yntymaqtastyq, tehnologııalar transferi jáne kadr daıarlaý; munaı-gaz hımııasy jobalarynda ınnovasııalardy engizý.«Power Central Asia + China forýmy Qazaqstannyń ınvestısııalar úshin tartymdy núkte ǵana emes, sonymen qatar ozyq tehnologııalar men bilimderdiń ıntegratory ekenin kórsetti. Biz turaqtylyq, qaýipsizdik jáne ınnovasııalar arasyndaǵy tepe-teńdikke negizdelgen energetıkalyq saıasatty qalyptastyryp jatyrmyz. Qol qoıylǵan kelisimder men qol jetkizilgen ýaǵdalastyqtar Qazaqstan men búkil Ortalyq Azııa óńiriniń energetıkalyq egemendigin jáne ındýstrııalyq áleýetin nyǵaıtý jolyndaǵy naqty qadam», dedi QR Energetıka vıse-mınıstri Baqytjan Ilııas.
Forýmǵa 30-dan astam eldiń ókilderi, jetekshi halyqaralyq sarapshylar, ǵylymı qaýymdastyq, iskerlik orta, beıindi JOO stýdentteri men buqaralyq aqparat quraldary qatysty. Qazaqstan tarapynan naqty jobalar, tehnologııalyq bastamalar men ınvestorlar men seriktesterge ashyq úlgiler usynyldy.
Mınıstrlik forýmnyń bas seriktesteri — China Southern Power Grid, POWERCHINA, Energy China jáne Infraqurylymdyq jáne ınnovasııalyq damýǵa járdemdesý qaýymdastyǵyna alǵysyn bildiredi.
Forýmnyń salalyq jáne ınstıtýsıonaldyq seriktesteri: Samuryq-Energo, QazMunaıGaz, KEGOC, QazaqGaz, Kazakh Invest, Huawei, KPMG, LONGi, Sinopec, China Datang, Asian Development Bank, Abu Dhabi Commercial Bank, PASHA Holding, О́nerkásipti damytý qory, QazIndustry, ForteBank, Bank CenterCredit, Halyk Bank, Baiterek Venture Fund, Arthur Consulting, Cranmore Partners, NC Consulting, Unicase Central Asia.
Power Central Asia + China forýmy jyl saıyn ótetin alańǵa aınalyp, birlesken óndiristerdi damytýǵa, tehnologııalar transferine, ǵylymı yntymaqtastyqqa jáne jańa býyn mamandaryn daıarlaýǵa yqpal etetin bolady.
Energetıka mınıstrligi Ortalyq Azııa elderiniń energetıkalyq turaqtylyǵy men tehnologııalyq progresin nyǵaıtýǵa qosqan úlesteri men senimi úshin barlyq seriktesterge alǵysyn bildiredi.