Ulytaý oblysynda ótken «Taza Qazaqstan» aksııasyna oblys jastary belsene qatysty, dep habarlaıdy Egemen.kz.
Maýsym aıynyń 18–19 kúnderi «Aýyl» partııasy janyndaǵy Jastar qanaty «Taza Qazaqstan» respýblıkalyq aksııasy aıasynda Ulytaý oblysynyń eki qalasynda – Sátbaev jáne Jezqazǵan qalalarynda senbilik uıymdastyrdy.
Aksııaǵa Jastar qanatynyń stýdentteri, partııanyń óńirlik fılıalynyń ókilderi qatysty.
Jezqazǵan qalasyndaǵy «Máńgilik alaý» mańyndaǵy kóldi meken aýmaǵynda qoqys jınalyp, mańaıy abattandyryldy. Týǵan ólkesine súıispenshilikpen qaraǵan árbir jas qalanyń ekologııalyq tazalyǵyna óz úlesin qosty.
Aksııada jastar tabıǵatty qorǵaýǵa, týǵan ólkeni taza ustaýǵa degen janashyrlyǵyn kórsetti.
«Aýyl» partııasynyń Ulytaý oblysy boıynsha óńirlik fılıalynyń tóraǵasy Abzal Baqytuly «Biz bárimiz týǵan qalamyzdyń gúldenýine, tazalyǵyna jaýaptymyz. «Taza Qazaqstan» aksııasy tek senbilik emes, bul tabıǵatqa degen qamqorlyq. Sondyqtan barshańyzdy aınalamyzdy taza ustap, ekologııalyq mádenıetti qalyptastyrýǵa shaqyramyn»,-dep qala turǵyndary men jastardy qorshaǵan ortany taza ustaýǵa, qoǵamdyq jaýapkershilikke shaqyrdy.
Ulytaý oblysy