QYZYLORDA. 4 tamyz. Chehııa astanasy – Praga qalasynda dzıýdodan jastar arasynda Eýropa kýbogy ótti. Atalmysh jarysta Qazaqstan sportshylary 6 medal ıelense, sonyń 4-i qyzylordalyq balýandardyń úlesinde. Bul týraly egemen.kz tilshisi habarlady.
Atap aıtsaq, oblystyq joǵary sport sheberligi mektebiniń sportshylary, 55 keli salmaqtaǵy Maǵjan Shamshadın men 60 kelide Jaqsybek Jeńisbek altyn medalǵa qol jetkizdi. Al 55 kelide Dıdar Táttibaı kúmis júlde aldy. Sondaı-aq oblystyq olımpıadalyq rezervtiń mamandandyrylǵan balalar men jasóspirimder mektebiniń sportshysy Baýyrjan Jaýyntaev 60 kelide qola júldeger atandy. Bulardyń barlyǵy da Qazaqstan jastar ulttyq quramasynyń músheleri.
Dúbirli dodada Qazaqstan quramasy úshinshi oryndy enshiledi. Birinshi orynda – Brazılııa, ekinshi orynda – Ýkraına.
Bıyl qazan aıynda Birikken Arab Ámirliginiń Abý-Dabı qalasynda bolatyn Álem chempıonatyna Syr óńirinen osy 4 sportshymen qatar, Elaman Erǵalıev te qatysady.
Erjan Baıtiles.
Derek: egemen.kz.
Sýret: ordainfo.kz.