Almaty oblysynda «Zań jáne Tártip» ıdeologııasyn ilgeriletý aıasynda sımvolıkalyq shara ótti. Quqyq qorǵaý organdarynyń qyzmetkerleri 4120 metr bıiktiktegi taýǵa birlesip shyǵyp, shyń basyna «Zań jáne Tártip» jalaýyn tikti. Bul – zań ústemdigi eń joǵary tuǵyrǵa qoıylǵan memlekette turaqtylyq pen bolashaqqa senimdi bildiretin nyshan, dep habarlaıdy Egemen.kz.
Sharaǵa Ishki ister mınıstrligi, Bas prokýratýra, Qarjylyq monıtorıng agenttigi jáne Sybaılas jemqorlyqqa qarsy qyzmet ókilderi qatysty.
Tý ustaý – zań ústemdigi eń joǵary orynda turǵan memlekette turaqtylyq, damý jáne bolashaqqa degen senim bar degendi bildiredi.
Qazaqstan Prezıdenti Qasym-Jomart Toqaev zań men tártip – ádiletti memlekettiń irgetasy ekenin únemi atap ótedi. Onsyz ekonomıkalyq damý, ınvestısııalar jáne azamattardyń senimi múmkin emes. Ádilettilik qalypty qubylysqa aınalýy kerek, al zańsyzdyq – erekshelik qana bolýy tıis. Tek osy jolmen ár azamat ózin qorǵalǵan sezinetin zamanaýı memleket qurýǵa bolady.
Marshrýt Tuıyqsý, Myńjylqy shatqaldary, Alpıngrad alpınıstik alańy men Mánshúk Mámetova asýy arqyly ótti. Bul – ádilet pen jaýapkershilikke aparar joldyń sımvoly.