Maýsym aıynda Máskeýden bastaý alǵan «Eýrazııa júregine saıahat – 2025» biregeı týrıstik tanymdyq ekspedısııasy Qyzylorda oblysyna kelip jetti. Reseı, Qyrǵyzstan, Tájikstan men О́zbekstan memleketteri ókilderiniń basyn qosqan tanymdyq ekspedısııa maqsaty – Ortalyq Azııa elderi men Reseı arasyndaǵy iskerlik, gýmanıtarlyq jáne ǵylymı baılanystardy nyǵaıtý, sondaı-aq halyqaralyq áriptestikti damytýǵa baǵyttalǵan, dep habarlaıdy Egemen.kz.
Týrısterdiń Syrdaǵy sapary Aral qalasynan bastaldy. Ekspedısııa músheleri aýdan ortalyǵyndaǵy «Balyqshylar alleıasyn» tamashalap, Aral teńizi týraly qundy derektermen tanysty. Odan keıin XIX ǵasyrdaǵy orys sáýlet óneri úlgisinde salynǵan «Balyqshylar mýzeıine» bardy. Bul mýzeıde «Balyqshylar», «Kemeler» zaly jáne ashyq aspan astyndaǵy mýzeı kórmesi uıymdastyrylǵan.
Ekspedısııa Shıjaǵa eldi mekenindegi qumdy tóbeler men óńirdegi biregeı demalys aımaǵy sanalatyn Qambash kólinde jalǵasty.
Alda olar Baıqońyr qalasyn aralap, Qarmaqshy aýdanyndaǵy Qorqyt ata memorıaldyq kesheni men Qyzylorda qalasyndaǵy birneshe mádenı-sporttyq nysandarda bolady.