Negizi 1748 qalanǵan Eýropanyń eń kóne teatrynyń Almatyǵa kelip óz eksklıýzıv baǵdarlamasyn usynýy Qazaqstannyń óner álemindegi aıryqsha oqıǵa bolyp sanalady, dep habarlaıdy Egemen.kz.
«Danııa koroldik teatrynyń juldyzdary Almatyda» dep atalatyn gala-konsertte balet súıer qaýym álemdik klassıkalyq jáne zamanaýı horeografııanyń ozyq úlgilerin, álemdik balettiń biregeı jetistigin tamashalaýǵa múmkindik alady. Onyń ishinde dat baletiniń maqtanyshy — Býrnonvıl tehnıkasymen qoıylǵan sırek spektaklder de kórermen nazaryna usynylady.
Sonymen qatar jas talanttardy qoldaý jáne mádenı baılanysty nyǵaıtý maqsatynda balalarǵa arnalǵan vorkshop pen master-klass ótedi. Onda sheteldik mamandar balǵyn bıshilerge balettiń qyr-syryn úıretedi.
Konsert 27 maýsym kúni Almaty Theatre-da ótedi. Bastalýy: 19:00.