Bul týraly Úkimet otyrysynda Oqý-aǵartý mınıstri Ǵanı Beısembaev aıtty. «Taza Qazaqstan» aksııasy aıasynda ata-analar, pedagogter, oqýshylar birlesip bilim berý uıymdarynda 44 myńnan astam is-shara ótkizgen. Onyń ishinde jappaı aǵash otyrǵyzý, ekologtar, ólketanýshylar men natýralıster forýmdary, ekojobalar konkýrstary jáne eriktiler aksııalary bar, dep habarlaıdy Egemen.kz.
2024-2025 oqý jylynda mektepterde 4 myńnan astam «Jasyl klýb» eko birlestigi qurylyp, oǵan 125 myń oqýshy qatysqan. «Jasyl balabaqsha» baǵyty boıynsha 77 mektepke deıingi uıym jumys isteıdi.
«Taza Qazaqstan» tujyrymdamasy Memleket basshysynyń tapsyrmasy boıynsha barlyq bilim berý uıymdarynda «Adal azamat» birtutas tárbıe baǵdarlamasy negizinde tájirıbede iske asyrylýda. Negizgi baǵyttardyń biri óskeleń urpaqtyń boıynda ekologııalyq mádenıet pen azamattyq jaýapkershilikti qalyptastyrý bolyp tabylady. Bul jumysqa 40 myńnan astam balany qamtıtyn jas natýralıster men jas týrıster jumyldyrylǵan», dedi Ǵ.Beısembaev.