Almatydaǵy Kardıologııa jáne ishki aýrýlar ǵylymı-zertteý ınstıtýtynda úshinshi ret júrekti transplantasııalaý operasııasy jasaldy, dep habarlaıdy Egemen.kz.
Bes saǵatqa sozylǵan kúrdeli operasııany kardıohırýrgııa bólimshesiniń meńgerýshisi Rústem Tóleýtaev pen UMC «Júrek ortalyǵy» №2 kardıohırýrgııa bólimshesiniń meńgerýshisi Svetlana Novıkovalarǵa qosa, tájirıbeli anestezıologtar men kardıohırýrgtar toby birlese jasady.
Al donor máselesine keletin bolsaq, dárigerler Almaty qalasynyń Ortalyq qalalyq aýrýhanasyna túsken 40 jastaǵy er adamnyń mıy ólgenin rastady. Mıy semgen pasıenttiń júregi Almaty oblysy Talǵar qalasynyń turǵyny 43 jastaǵy er adamǵa transplantasııalandy. Ol ıshemııalyq kardıomıopatııaǵa, júre paıda bolǵan júrek derti, mıtraldy qaqpaqsha qyzmeti men 26% shyǵarylý fraksııasy tómendegen sozylmaly júrek qyzmetiniń jetkiliksizdigine, 2022 jyly ınfarktqa shaldyqqan. Naýqas azdap qımyldaǵannyń ózinde entigip, júregi qyzmetin durys atqarmaı, jalpy álsizdik pen bas aınalatyn jaǵdaıǵa jetken. Júrgizilgen em-domdarǵa qaramastan, naýqastyń densaýlyǵy durystalmaı, júrektiń kóp bóligi tyrtyqtanyp, jıyrylmaıtyn jaǵdaıǵa dýshar bolǵan.
Transplantasııaǵa deıin de oǵan birneshe ret stent qoıylǵan, kardıoverter-defıbrıllıator ımplantasııalanǵan eken. Aýrýdyń qolaısyz boljamyn eskere otyryp, bıylǵy qańtar aıynda UMC mamandary LVAD ımplantasııalaý usynǵan, biraq naýqas bas tartady. Emdeýden esh nátıje bolmaǵandyqtan júrek transplantasııasyn kútý tizimine qoıyldy.
«Júrek transplantasııasy búgingi kúni júrek qyzmeti jetkiliksizdiginiń sońǵy satysyndaǵy naýqastardy emdeýdegi «altyn standarty». О́kinishke oraı, ondaı pasıentterdiń sany jyldan jylǵa artyp keledi. Aǵza aýystyrýdyqajet etetinderdiń barlyǵyna transplantasııa jasaý múmkindigi shekteýli, sebebi donorlyq organ jetispeıdi. Mysaly, 2025 jylǵy 10 mamyrdaǵy jaǵdaı boıynsha Qazaqstanda júrek transplantasııasyn kútý paraǵynda 139 eresek jáne 7 bala tur», deıdi Kardıologııa jáne ishki aýrýlar ǴZI Basqarma tóraǵasy Marat Pashımov.
«Naýqas donordy kóp kútken joq. Júrek transplantasııasy sııaqty operasııalar kóp adamnyń ómirin saqtap qalýǵa kómektesedi dep úmittenemiz», deıdi klınıka basshysy.
Marat Orynbasaruly UMC «Júrek ortalyǵy» men Transplanttaýdy jáne joǵary tehnologııalyq medısınalyq qyzmetti úılestirý jónindegi respýblıkalyq ortalyǵyna kómek pen qoldaý kórsetkeni úshin alǵysymyz sheksiz, dedi.
Instıtýttyń kardıohırýrgııa bólimshesiniń meńgerýshisi Rústem Tóleýtaev: «Júrek transplantasııasy – sońǵy satydaǵy júrek qyzmeti jetkiliksizdiginiń eń tıimdi joly. Bul operasııa basqa emdeý qajetti nátıje bermegen jaǵdaıda jasalady. Qazir naýqastyń jaǵdaıy turaqty, jaǵdaıy táýir bola bastady. Reanımasııa bólimshesinen beıindi bólimshege aýystyryldy. Endi ol el qatarly ómir súrýge múmkindik aldy», dedi.
Al joǵaryda atap ótken donordyń júregi ǵana emes, sonymen qatar 2 balaǵa búıregi transplantasııalanǵanyn, sonymen qatar eki móldirqabyqtary alynǵanyn aıta ketý kerek.