Ataqty rejısser Konstantın Stanıslavskıı birde shákirtterine tapsyrma beripti. «Senderdiń aqshalaryń saqtaýly turǵan «Imperator Banki» órtenip jatyr. Osy sátte qandaı kúıde bolasyńdar, sony etıýd qylyp kórsetińder», deıdi.
Sodan stýdentterdiń biri oıbaılap, ekinshisi ókirip, úshinshisi shelekpen sý tasyp, taǵy bireýleri qolyn qaıǵyra sermep jatady. Tek Vasılıı Kachalov qana aıaqtaryn aıqastyryp qoıyp, jaıbaraqat otyra beripti. Muny kórgen rejısser:
– Kachalov! Sen nege kóriniske qatyspaı otyrsyń? – dep aıqaı salypty.
– Qatysyp otyrmyn, Konstantın Sergeevıch.
– Onda nege bank órtenip jatqanda alańsyz otyrsyń?, deıdi rejısser odan saıyn qaharlanyp. Sonda Kachalov esh saspastan:
– Meniń bul bankte eshqandaı da aqsham joq, – degen eken.