Soltústik Makedonııada jasóspirimderge arnalǵan Balqan matematıkalyq olımpıadasy (JBMO) óz máresine jetti, dep jazady Egemen.kz.
Qazaqstan quramasy jarysqa qatysý tarıhyndaǵy eń úzdik nátıjesin kórsetip, tórt altyn, bir kúmis jáne bir qola medal jeńip aldy. Komandalyq esepte 24 el qatysýshylary arasynda bizdiń oqýshylarymyz ekinshi oryndy ıelendi.
Jeńimpazdar:
Anýar Aǵybaev – Almaty qalasyndaǵy NurOrda halyqaralyq mektebiniń 9-synyp oqýshysy; Aleksandr Oleınıkov – Almaty qalasyndaǵy NurOrda halyqaralyq mektebiniń 9-synyp oqýshysy; Jáńgir Býlat – Almaty qalasyndaǵy Respýblıkalyq fızıka-matematıka mektebiniń 8-synyp oqýshysy; Batyrhan Beıǵanov – Almaty qalasyndaǵy Respýblıkalyq fızıka-matematıka mektebiniń 9-synyp oqýshysy; Nurtaı Málik – Aqtóbe oblystyq «Bilim-ınnovasııa» lıseı-ınternatynyń 9-synyp oqýshysy; Mıras Keńesbek – Qaraǵandy oblystyq «Bilim-ınnovasııa» lıseı-ınternatynyń 9-synyp oqýshysy.Quramanyń jetekshileri: Taldyqorǵan qalasyndaǵy Nazarbaev Zııatkerlik mektebiniń matematıka páni muǵalimi Sergeı Polıanskıh jáne «Daryn» respýblıkalyq ǵylymı-praktıkalyq ortalyǵynyń ádiskeri Perızat Saýtbekova.
Aıta keteıik, JBMO – 16 jasqa deıingi oqýshylarǵa arnalǵan bedeldi halyqaralyq olımpıada. Qatysýshy elderdiń qatarynda Albanııa, Bolgarııa, Grekııa, Rýmynııa, Serbııa jáne basqa da memleketter bar. Qazaqstan bul dodaǵa 2004 jyldan beri qatysyp keledi jáne dástúrli túrde úzdikter qatarynda. О́tken jyly Túrkııada ótken olımpıadada komanda 6 medal jeńip alǵan bolatyn.