PETROPAVL. 22 maýsym. Esil aýdanyna qarasty Gornoe aýylyna qazirgi talapqa saı jabdyqtalǵan sý qubyry ornatyldy. Bul týraly aýdandyq ákimdiktiń mamandary habarlady.
Bul eldi mekende osydan 60 jyl buryn «ES- 164/4 túzetý mekemesi qonys tepken. Onda aýyr qylmys jasap, bas bostandyǵynan aırylǵan jandar jazasyn óteıdi. Sol kezde skvajına ornatylǵanymen, aýyz sýdyń quramynan rodon sekildi adam aǵzasyna óte qaýipti radıasııalyq zattar tabylǵan. Normadaǵydan 2,5 ese artqanyna qaramastan avarııalyq jaǵdaıdaǵy sý nasosyn turǵyndar amalsyzdan paıdalanyp kelgen.
Aımaq basshysy Erik Sultanovtyń tikeleı tapsyrmasymen jergilikti bıýdjetten 40 mıllıon teńge bólinip, sý tazalaý stansasy qoıyldy. Endi gornyılyqtar óz densaýlyqtary úshin alańdamaıtyn bolady.
«Skvajınadan kúnine 80 tekshe metrge deıin sý arnaıy súzgiden ótkiziledi. Tirshilik náriniń sapasyna aı saıyn monıtorıng júrgiziletin bolady», deıdi «Aqbulaq» kommýnaldyq sharýashylyǵynyń dıretory Ermek Tashmaqanov.
Gornoe aýylynda 500-deı adam turady. Budan tysqary 600-ge jýyq sottalýshy jazalaryn óteýde.
О́mir Esqalı.
Derek, sýret: Soltústik Qazaqstan oblysy Esil aýdanynyń ákimdigi.