Sheshenstan basshysy Ramzan Qadyrov Telegram paraqshasynda 17 jastaǵy ulynyń úılený toıyna kelgen qonaqtaryna alǵys aıtty, onyń ishinde Qazaqstan elshisi de bar, dep habarlaıdy Egemen.kz.
«Dostar, Groznyıda ózim asa qadirlep, qurmetteıtin adamdar arasynan kóptegen qonaqty, sondaı-aq Iran, BAÁ, Túrkııa jáne Qazaqstan elshilerin kórgenime qýandym. Olardyń barlyǵy Sheshen Respýblıkasynyń Tuńǵysh Prezıdentiniń nemeresi, Reseı Batyry Ahmat-Hadjı Qadyrovtyń nemeresi – Adamnyń úılený toıyna oraı bizdiń otbasymyzdy quttyqtaý úshin keldi», dep jazdy Ramzan Qadyrov.
Qazirgi ýaqytta Qazaqstan Respýblıkasynyń Reseı Federasııasyndaǵy Tótenshe jáne О́kiletti Elshisi – Dáýren Abaev.
Eske salaıyq, Adam Qadyrov – Sheshenstan Respýblıkasynyń qaýipsizdik keńesi hatshysy.