2025 jylǵy 5 shildede Qazaqstan Respýblıkasy Desanttyq-shabýyldaý áskerleriniń 25 jyldyǵyna oraı 35-desanttyq-shabýyldaý brıgadasynyń bazasynda saltanatty shara uıymdastyrylady, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Is-sharaǵa qurmetti qonaqtar, ardagerler, áskerı qyzmetshiler jáne jastar qatysady.
Baǵdarlamada:
Saltanatty mıtıng;
Jaýyngerlik sheberlikterdi kórsetý;
35-desanttyq-shabýyldaý brıgadasy áskerı qyzmetshileriniń plasqa parashıýtpen qonýy;
Áskerı jáne shyǵarmashylyq ujymdardyń konserti.
Is-sharaǵa synaqshy-ushqysh, ǵaryshker, Halyq qaharmany general-leıtenant - Talǵat Musabaev, «Generaldar keńesi» RQB tóraǵasynyń keńesshisi - Beıbit Baıandın, Halyq qaharmany podpolkovnık - Azamat Jumadilov, Qazaqstan Respýblıkasynyń eńbek sińirgen mádenıet qaıratkeri – Alýa Baıqadamova, parashıýtshi-sportshy, Qazaqstannyń jáne halyqaralyq jarystardyń birneshe dúrkin chempıony - Irına Fılına shaqyryldy.
Sonymen qatar, Qorǵanys mınıstrligi basshylyǵy jáne Qarýly kúshter ardagerleri qatysady.
Aıta keteıik, is-shara 5 shilde kúni saǵat 09:00-de 32363 áskerı bólimshesinde ótedi.