PETROPAVL. 22 maýsym. Qyzyljar óńirinde polısııa qyzmetkerleri kúni men «Dınamo» deneshynyqtyrý-sport qoǵamynyń 90 jyldyǵyna oraı uıymdastyrylǵan sharaǵa oblys ákimi Erik Sultanov, London Olımpıadasynyń chempıony Aleksandr Vınokýrov, «Dınamo» ortalyq deneshynyqtyrý-sport qoǵamy tóraǵasynyń birinshi orynbasary Asqar Omarqulov, ishki ister salasynyń jeke quramy men ardagerler, jastar qatysty. Bul týraly oblystyq IID-niń baspasóz qyzmeti habarlady.
Saltanatty rásimde qoǵamdyq tártipti qyraǵylyqpen qorǵaýdaǵy zor úlesteri úshin 15 polıseı Ishki ister mınıstri Q. Qasymovtyń, 14 polıseı oblys ákiminiń, 60 polıseı oblystyq ishki ister departamentiniń basshysy, general-maıor Berik Bilálovtyń marapattaryna ıe boldy.
Qala ákimi atynan bir top qyzmetkerge aqshalaı jáne baǵaly syılyqtar tabys etildi.
«Meniń polısııam» taqyrybyna jazylǵan oqýshylardyń shyǵarmashylyq konkýrsynyń qorytyndysy shyǵaryldy.
Osy kúni kúshtik qurylymdardyń 25 komandasy arasynda ótken jazǵy spartakıadanyń fınalynda jeńimpazdar belgili boldy.
Saltanatty sharalar ishki ister salasy kórkemónerpazdarynyń konserttik baǵdarlamasyna ulasty.
О́mir Esqalı.
Derek, sýret: Soltústik Qazaqstan oblystyq IID-niń baspasóz qyzmeti.