Sý resýrstary jáne ırrıgasııa mınıstrliginiń málimetinshe atalǵan oblysta Islam Damý Bankiniń qoldaýymen 2 joba júzege asyrylyp jatyr, dep habarlaıdy Egemen.kz.
Aqsý aýdanynda 108,7 km kanal jańǵyrtylyp otyr. Kanaldar tazalanyp, betondaý, qurylymdar ornatý jumystary júrgizilip jatyr. Al Kóksý aýdanynda 2023 jyly bastalǵan jańǵyrtý jumystary sheńberinde 11 km kanal jóndeldi. Joba 6,8 myń ga jerdiń sýarý júıesine áser etedi. Birneshe kanal boıynsha qurylys júrgizý jáne qurylymdar ornatý jalǵasyn taýyp otyr.
Jobalar 2026 jyly paıdalanýǵa berilgennen keıin 18,3 myń gektardyń sýarý júıesi jaqsarady. Qurylys jumystary kestege sáıkes júrgizilip jatyr.