Qazaqstandyq ánshi Mereı Aıymbetova (sahnadaǵy esimi – Merey) óziniń Instagram storısinde 2023 jyly jaryq kórgen «Uıqy hanshaıymy» áni men Dreık, PARTYNEXTDOOR jáne Yebba birigip shyǵarǵan jańa «Die Trying» treginiń áýenin salystyrdy. Onyń aıtýynsha, eki ánniń melodııasy bir-birine tym uqsas, dep jazady Egemen.kz.
Resmı túrde eshqandaı aryz berilmese de, Mereı bul qarapaıym sáıkestik emes, naqty kóshirme dep otyr.
Dreıkke qatysty mundaı daýlar buryn da bolǵan. Ony birneshe ret ózge oryndaýshylardyń stılin, mýzykalyq baǵytyn ruqsatsyz qoldandy dep aıyptaǵan. Máselen, XXXTentacion-nan floý, brıtan ártisterden stıl, afrıkalyq oryndaýshylardan saýnd alǵany týraly kóp aıtylǵan.
Al, elimizdiń jas talanty, ánshi MEREY – Shymkent qalasynyń týmasy. Onyń mýzykalyq bilimi bolmasa da, ózin-ózi úıretken ónerpaz. Jas oryndaýshy ánderiniń áýeni men sózin ózi jazady.