Memlekettik qyzmet – abyroıly mindet

*23 maýsym – Dúnıejúzilik Memlekettik qyzmetkerler kúni Álemdegi memleketterdiń damýyna memlekettik qyzmetkerdiń qosar úlesi men salmaǵy erekshe ekeni daýsyz. Qazaqstan Respýblıkasy Táýelsizdik alǵan 24 jylǵa jýyq ýaqyt ishinde Prezıdentimiz N.Nazarbaevtyń bastamasymen  memleketti qalyp­tastyrý baǵytynda aýqymdy ister atqaryldy. Elbasymyz «Nurly Jol – bolashaqqa bastar jol»  atty  Qazaqstan halqyna Joldaýynda: «Nurly Jol» Jańa Ekonomıkalyq Saıasaty – álemniń eń damyǵan 30 eliniń qataryna ený jolyndaǵy bizdiń aýqymdy qadamymyz. Búginde tabysty jumys isteý úshin barlyq qajetti jaǵdaılar jasalǵan. Ákimshilik reforma júrgizildi, Úkimet pen atqarýshy bıliktiń jańa qurylymy jumys isteýde. Ár mınıstr ne isteý kerek ekenin biledi. Biz basqarýdaǵy qosarlanýshylyq pen qajet emes býyndardy joıdyq. Ákimder ókilettiliktiń qajetti deńgeıine ıe boldy. О́ńirlerde bári bar – baǵdarlamalar, resýrs­tar, qarjy quraldary. Árkim óz jumys ýchaskesi úshin jaýap beredi. Tek bilekti sybanyp, iske kirisý qajet», dep memlekettik qyzmettiń mańyzdylyǵy jóninde erekshe toqtalǵan bolatyn. Elimizdiń áleýmettik, ekono­mıkalyq, mádenı jaǵdaıy úzdiksiz damý jolyna tústi. Birshama jaǵdaıda aýyldyq okrýgter men kent ákimderi halyqtyń kóz aldynda iriktelip, máslıhat depýtattarymen saılandy. Qazaqstannyń osyndaı jetistikterge jetý jolynda memlekettik qyzmet­kerlerdiń eńbegi de erekshe ekenin eshkim joqqa shyǵarmaıdy. Olar óz qyzmettik mindetterin kásibı deńgeıde atqaryp, elimizdiń egemendi, táýelsiz, demokratııalyq, áleýmettik jáne quqyqtyq, zaıyrly memleketke aınalýyna úlesterin qosyp keledi. 2002 jyly Birikken Ulttar Uıymy  qarar qabyldap, 23 maýsymdy memlekettik qyzmetshiler kúni dep bekitken bolatyn. Osyǵan oraı, kezinde  memlekettik qyzmetkerler kúni bolýy kerek degen pikirler aıtylyp júrdi. Jalpy, halyqtyń aıtar oılary bir jerden shy­ǵyp, osy kún Elbasymyzdyń Jarlyǵymen kásibı merekege aınaldy. Memleket basshysy Nursultan Nazarbaevtyń bes ınstıtýttyq reformasyn júzege asyrýǵa baǵyttalǵan 100 naqty qadamnyń alǵashqy taraýy «kásibı memlekettik apparat qurýǵa», ıaǵnı 15 qadamy osy memlekettik qyzmetke qatysty aıtylady. Osy qadamdar arqyly Qazaqstannyń barlyq aýmaǵyndaǵy ártúrli deńgeıdegi memlekettik qyz­metkerler halyqqa sapaly qyzmet kórsetýleri tıis. Memlekettik qyzmetshilerdi yntalandyrý sharalary barlyq memlekettik mekemedegi jumys tıimdiligin arttyratyny aqıqat. Muny osy saladaǵy qyzmetshiniń eńbegin baǵalaýdyń monetarlyq emes bir belgisi dep túsingen jón. Olardyń kóptegen jyl boıy sińirgen eńbegin nazardan tys qaldyrmaı, úzdik memlekettik qyzmetker tósbelgisin taǵyp, marapattaý da elge talmaı eńbek etip jatqan azamattarymyzǵa shynaıy  shabyt pen aldaǵy atqarar jumystaryna zor senimdilik beredi. Ár qyzmetshi óz kásibin maqtan tutyp, qoǵam nazaryna bólenip, óz eńbegi úshin laıyqty marapattalyp jatsa, qaı salanyń bolsyn jumysy jandanatyny anyq. Memlekettik qyzmetshi kúni de sol údeden shyǵýdy kózdeıdi. Sonymen qatar, bul kásibı mereke kúntizbede jumys kúni bolyp sanalatynyn eskerýimiz kerek. Mundaı bastamalar  halyq pen bılik arasyndaǵy baılanysty nyǵaıta túsedi. Qazaqstanda 23 maýsym Memle­kettik qyzmetkerler kúni dep bekitilgenine jyldan asty. Bıyl ekinshi jyl  atalyp ótkeli otyr. Osy jaıt talqyǵa túskeli qoǵam «Memlekettik qyzmetkerler mere­kesi bolýy qajet pe?» degen saýalǵa jaýap izdeı bastady. Bir tarap osy meıram arqyly memlekettik oryndarda qyzmet isteıtin azamattardy qanattandyryp, jumysqa degen ynta-jigerin arttyrýǵa bul merekeniń qajettiligin kóldeneń tartty. Osy oraıda, memlekettik qyzmetke kelip jatqan jastardan úlken úmit kútemiz. Nege? О́ıtkeni, qarapaıym, halyqqa adal kózqarasy bar taza, bilimdi, rýhanı qundylyqtarǵa baı, ulttyq bolmysy jarqyrap alystan kórinetin  jastar el bolashaǵynyń erteńine aınalary sózsiz. Byltyrǵy jy­ly Memlekettik qyzmet isteri agenttigi memlekettik qyzmet is­teri jáne sybaılas jemqorlyqqa qarsy is-qımyl agenttigi bolyp qaıta qurylyp, jańa mindetter qabyldap, tyń serpiliske bet aldy. Ońtústik Qazaqstan ob­ly­synyń ákimdigi men Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ońtústik Qazaqstan oblysy boıynsha departamenti birlese otyryp, atalǵan kásibı merekeni joǵary deńgeıde atap ótý týraly bastama kóterdi. Bul is-sharada memlekettik qyzmet­shilerdiń biliktilik deńgeıin kóterý, halyqqa sapaly qyzmet kórse­týdiń jańa qyrlary, memle­kettik tilde baıqaýlar uıym­dastyrý, salamatty ómir salty, bilim deńgeıi sııaqty túrli saıystar ótkizilip, naqty qadammen kásibı memlekettik apparat qurýǵa bet burylatyny kúmán týǵyzbaıdy. Aýdan boıynsha memlekettik qyzmetshilerdiń shtattyq sany – 175 birlik, onyń ishinde «A» korpýsynyń memlekettik ákim­shilik  qyzmetshileri – 1, «B» korpýsynyń memlekettik ákimshilik qyzmetshileri – 174. Qazaqstan Respýblıkasynyń azamattaryn memlekettik qyzmetke jiberýde olardy taǵaıyndaý úshin erekshe talaptar jáne laýazymdardyń jeke kestesi júzege asyrylady. Bul qadam memlekettik qyzmetti ashyq jáne básekege qabiletti etedi.  Elbasymyzdyń «100 naqty qadamynda» kórsetilgendeı,  Memlekettik qyzmette jemqor­lyqqa qarsy kúresti kúsheıtýde jańa zańnamalar ázirleı otyryp, Memlekettik qyzmet isteri jáne jemqorlyqqa qarsy is-qımyl agenttiginiń qurylymynda jemqorlyq quqyq buzýshylyqtyń júıeli túrde aldyn alý jáne saýyqtyrý úshin jemqorlyqqa qarsy arnaıy bólim qurý maqsaty kózdelip otyr. Biz eshqashan adamı qun­dy­lyqtardy áspetteýdi umyt­paýy­myz kerek. Bul mereke bar­lyq deńgeıdegi memlekettik qyzmetshilerge shyǵarmashylyq eńbekte úlken shabyt beretini, eńbek etýge degen qulshynysyn arttyratyny sózsiz. Sol sebepti de, aýdan kólemindegi halyq úshin mańdaı terin tógip, adal eńbegimen el aýzyna iligip júrgen qarapaıym, izetti, meıirimdi memlekettik qyz­metshilerdi tól merekelerimen quttyqtaımyn. Qaldybek ORAZOV, Sozaq aýdany ákimi apparatynyń basshysy. Ońtústik Qazaqstan oblysy.