Jezqazǵanda kámeletke tolmaǵan birneshe jasóspirim balalar oıyn alańyndaǵy syrǵanaqty órtegen, dep habarlaıdy Egemen.kz.
Oqıǵa Túsipbekov kóshesinde bolǵan. Beınejazbada balalardyń syrǵanaqtyń astyna shúberek qoıyp, ony órtegeni anyq kórinedi. Qysqa ýaqyt ishinde jalyn plastıkten jasalǵan qurylymdy sharpyp, jaqyn mańdaǵy oryndyqtarǵa taraǵan.
Jezqazǵan qalalyq polısııa basqarmasy oqıǵaǵa qatysy bar jasóspirimderdiń tulǵasyn anyqtaǵan. Atalǵan fakti boıynsha olardyń ata-analary ákimshilik jaýapkershilikke tartylǵan.
Esterińizge sala keteıik, buǵan deıin О́skemen qalasynda janarmaı quıý beketinde er adam abaısyzda óz kóligin órtep jibergen edi. Ol janarmaı quıý kezinde kóliktiń janynda ottyqpen turǵan sátinde kólik otqa oranǵan.