2026 jyldyń kóktemi Apple jankúıerleri úshin qyzyq bolǵaly tur. Bloomberg derekkózderiniń habarlaýynsha, kompanııa kelesi jyly birneshe jańa ónimin qatar usynbaq. Onyń ishinde jańartylǵan MacBook, iPad ári kópshilik kútip júrgen arzan iPhone 17e bar, dep jazady Egemen.kz.
iPhone 17e – buǵan deıin tanymal bolǵan iPhone 16e modeliniń jańartylǵan túri. Baǵasy qoljetimdi, biraq ishki múmkindigi qýatty. Jańa smartfonǵa A19 prosessory ornatylady degen boljam bar. Sarapshylar muny aldyńǵy úlgilerge qaraǵanda áldeqaıda ónimdi chıp dep baǵalap otyr.
Aıta keteıik, iPhone 16e 2025 jyldyń aqpanynda satylymǵa shyqqan bolatyn. Baǵasy shamamen 599 dollar bolǵan. Jańa model de osy dıapazonda bolmaq.
Sondaı-aq 2026 jyly Apple jańartylǵan MacBook Air jáne Pro modelderin usynbaq. Buǵan deıin olar 2025 jyly shyǵarylady delingen edi, biraq korporasııa bul jospardy keıinge shegergen.
Bloomberg jazýynsha, keıingi jyldary Apple ónimderine degen suranys baıaýlaǵan. Bul ásirese pandemııadan keıin baıqaldy – sol kezde kompanııanyń satylymy rekordtyq deńgeıge jetken bolatyn. Endi Apple jańashyl dızaın men qýatty temirge emes, qoljetimdilikke nazar aýdara bastady.