Twitter-diń negizin qalaýshylardyń biri Djek Darsı ınternetsiz jumys isteıtin Bitchat messendjerin iske qosty. Bul qosymsha dástúrli messendjerlerden erekshelenedi. Ol ınternetke nemese uıaly baılanysqa táýeldi emes. Bitchat mesh-jeli tehnologııasyn qoldanady, dep jazady Egemen.kz.
Iаǵnı smartfondar Bluetooth arqyly bir-birimen tikeleı baılanysyp, birneshe júz metr qashyqtyqta habarlama almasa alady. Mundaı baılanys túri ınternet buǵattalǵan, sıgnal joq nemese baılanys nashar oryndarda paıdaly.
Máselen, konsertte, fýtbolda, mıtıngte, tabıǵı apat kezinde nemese shalǵaı aýyldarda Bitchat arqyly habarlasýǵa múmkindik bar. Qosymsha tirkelýdi talap etpeıdi, telefon nómiri de, email de qajet emes.
Habarlamalar shıfrlanyp, tek qurylǵy ishinde saqtalady. Eger adam mesh-jeli aýmaǵynan shyǵyp ketse, onyń habary keıin jaqyn mańda basqa qoldanýshy paıda bolǵanda ǵana jetkiziledi. Qazirshe Bitchat tek iOS qurylǵylarynda shekteýli túrde qoljetimdi. Bolashaqta ázirleýshiler Android nusqasy men Wi-Fi Direct arqyly jumys isteıtin túrin de shyǵarmaq.