Eldiń syrtqy qaryzy 2025 jyldyń birinshi toqsanynda 170,5 mıllıard dollar bolǵan. Bul uryn-sońdy bolmaǵan jaǵdaı. Shamamen 88,4 trıllıon teńge, dep habarlaıdy Egemen.kz.
Degenmen Ulttyq bank tóraǵasy Tımýr Súleımenov bul kórsetkishti alańdaıtyndaı jaǵdaı emes dep esepteıdi. Onyń pikirinshe, syrtqy qaryzdyń absolıýttik mólsherinen góri, ishki jalpy ónimge (IJО́) qatynasy mańyzdyraq. Sebebi el ekonomıkasynyń kólemi artqan saıyn, burynǵydaı qaryz júktemesi aýyrǵa túspeıdi.
«Qarapaıym mysal: tabysyńyz ósip, nesıe kólemi burynǵydaı qalsa, jaqsy emes pe? Dál osyndaı jaǵdaı bizde de qalyptasyp otyr», dedi Súleımenov.
Ol qazirgi jaǵdaıdy 2018-2019 jyldarmen salystyryp ótti. Ol kezde de syrtqy qaryz 160-170 mlrd dollar shamasynda bolǵan, biraq IJО́ 170 mlrd dollar ǵana edi. Iаǵnı, qaryzdyń IJО́-ge qatynasy 110–120% bolǵan.
Al qazirgi kezde el ekonomıkasy aıtarlyqtaı ósken. 2025 jyldyń sońynda IJО́ kólemi 275 mlrd dollar bolýy múmkin. Biraq qaryz kólemi ózgerissiz qaldy. Osylaısha, qaryzdyń qatynasy 57-58%-ǵa deıin tómendegen.
Memlekettik syrtqy qaryz kólemi – 14,8 mlrd dollar, al bank jáne kvazımemlekettik sektordyń qaryzy 17,5 mlrd dollar.
Ulttyq bank bıyl eldiń syrtqy boryshyn óteýge shamamen 45 mlrd dollar jumsalýy múmkin ekenin aıtady.