Búgin Premer-mınıstrdiń tóraǵalyǵymen ótken Úkimet otyrysynda 2025 jyldyń alǵashqy jartyjyldyǵyndaǵy qurylys salasynyń damý qarqyny qaraldy. О́nerkásip jáne qurylys mınıstri Ersaıyn Naǵaspaevtyń aıtýynsha, bul salada turaqty ósim baıqalyp otyr, dep jazady Egemen.kz.
Onyń málimdeýinshe, bıylǵy 6 aıda qurylys jumystarynyń jalpy kólemi 3,3 trln teńgeni qurady, bul byltyrǵy sáıkes kezeńmen salystyrǵanda 18,4%-ǵa artyq. Mundaı oń dınamıka elimizdiń 20 óńiriniń 19-ynda tirkelgen. Bul qurylys ındýstrııasynyń jalpy ekonomıkalyq ósimge belsendi úles qosyp otyrǵanyn kórsetedi.
Bıyl 19,2 mln m² turǵyn úı salý josparlansa, onyń 7,9 mln m²-si alǵashqy jartyjyldyqta paıdalanýǵa berildi. Bul – ótken jyldyń osy kezeńimen salystyrǵanda 6,6%-ǵa artyq kórsetkish.
Eń joǵary ósim tirkelgen óńirler qataryna Túrkistan, Aqmola, Ulytaý, Jetisý oblystary men Shymkent qalasy endi. Sarapshylar muny turǵyndarǵa arnalǵan ınfraqurylymdy damytýdyń jáne ınvestısııalyq ahýaldyń jaqsarýymen baılanystyrady.
«Qurylys salasynyń turaqty ósimi – ekonomıkanyń serpindi baǵyttarynyń biri. Sala 2010 jyldan beri jylyna orta eseppen 7%-ǵa ósip keledi. Al sońǵy eki jylda naqty kólem ındeksi 115%-dan joǵary deńgeıde qalyp otyr», dedi Ersaıyn Naǵaspaev.