HHHII Dúnıejúzilik jazǵy Ýnıversıada – osy aıdyń 16-27 kúnderi aralyǵynda Germanııanyń Reın-Rýr aımaǵynda, naqtylaǵanda Berlın, Dýısbýrg, Bohým, Essen, Hagen, Mıýlhaım qalalarynda ótedi, dep jazady Egemen.kz.
Dúbirli dodada 8 500-den astam qatysýshy sporttyń 18 túrinen 234 júlde jıyntyǵyn sarapqa salady. Halyqaralyq ýnıversıtettik sport federasııasynyń (FISU) bastamasymen uıymdastyrylatyn iri halyqaralyq jarysqa bıyl Qazaqstannan 12 sport túri boıynsha 76 sportshy qatysady, buǵan qosa, ulttyq qurama sapynda 18 jattyqtyrýshy men 6 resmı ókil bar.
Ǵylym jáne joǵary bilim mınıstrliginiń málimetinshe Qazaqstan stýdenttik Ýnıversıadaǵa 1993 jyldan beri turaqty túrde qatysyp keledi. 2023 jyly Qytaıdyń Chendý qalasynda ótken HHHI jazǵy Ýnıversıada da Qazaqstan quramasy 2 altyn, 7 kúmis, 11 qola medal jeńip aldy. Al, eń joǵary nátıje 2013 jyly Qazan qalasynda ótken Ýnıversıadada tirkeldi. Munda sportshylar 30 medal enshilegen.