Prezıdenttik jastar kadrlyq rezerviniń úlgisimen 2023 jyldan beri «Bilim berýdegi ózgeristerdiń 1000 kóshbasshysy» jańa formattaǵy basshylardy irikteý jáne daıarlaý baǵdarlamasy júzege asyrylyp jatyr, dep habarlaıdy Egemen.kz.
Atalǵan joba – bilim salasyndaǵy tıimdi basqarýshylar korpýsyn qalyptastyrýǵa yqpal etedi jáne bilim berý prosesiniń sapasyn arttyrýdy kózdeıdi.
Úmitkerlerdi irikteý bes kezeńnen turady: 1-kezeń – testileý, 2-kezeń – oqytý, 3-kezeń – eldiń jetekshi mektepterinde taǵylymdamadan ótý, 4-kezeń – qorytyndy baǵalaý, 5-kezeń – komıssııamen suhbat.
Oqý-aǵartý mınıstrliginiń málimetinshe atalǵan barlyq kezeńderden ótkenderge sertıfıkat tabystalyp, sonyń negizde olar kadrlyq rezervke engiziledi jáne ári qaraı jumysqa ornalasý múmkindigine ıe bolady. Eki jyl ishinde jańa býynnan 583 kóshbasshy daıarlanǵan. Bıyl jobaǵa 2059 úmitker qatysyp, olardyń arasynan 471-i eldiń úzdik mektepterinde taǵylymdamadan ótip jatyr.