Jýyrda qala ákimi Ǵabıt Syzdyqbekovtiń qatysýymen Shymkentte jańa 3 óndiris orny ashyldy. Onyń alǵashqysy – «Ońtústik» arnaıy ekonomıkalyq aımaǵynda ornalasqan «BIK Kanc» JShS. Seriktestik A4 jáne A3 pishindegi qaǵazdar óndiredi. О́ndiristik qýaty jylyna 2 mln 880 myń dana qorapty quraıdy. Kompanııa bıyl jobanyń birinshi kezeńin iske qosty. Onyń quny – 500 mln teńge.
2027 jyly 1 mlrd teńgege ekinshi kezeńdi iske qosý josparda bar. О́ndiris orny 40 adamǵa jańa jumys orynyn taýyp berdi. Shyǵarylǵan ónim ishki jáne syrtqy naryqqa jóneltiledi. Seriktestik basshysy Áıgerim Balǵymbekova jańa joba arqyly keńselik qaǵazdar óndirisi qolǵa alynyp, bul ónim boıynsha sheteldik eksportqa táýeldilik sál de bolsa azaıatynyn jetkizdi. Sonymen birge ol jańa óndiristiń ekonomıkalyq, áleýmettik mańyzdylyǵyn da atap ótti. Jańa kásiporynnyń qurylýymen bıýdjette salyq tabysy kóbeıedi. Áleýmettik mańyzdylyǵy turǵysynan aıtar bolsaq, jańa jumys oryndary qurylyp, qanshama adamǵa ózin, otbasyn asyraýǵa múmkindik týady.
Megapolıste júzege asqan taǵy bir mańyzdy jobanyń biri – JK «ZeineP» kompanııasynyń dezınfeksııalyq quraldar óndirisi. Kásiporyn ónimdi «Ońtústik» arnaıy ekonomıkalyq aımaǵynda shyǵarady. Joba quny – 600 mln teńge. Kásiporyn jylyna 10 myń tonna ónim shyǵarýǵa qaýqarly. О́ndiris orny 80 adamdy turaqty jumyspen qamtıdy. О́ndirilgen hımııalyq jáne dezınfeksııalyq quraldar ishki naryqqa jáne TMD elderi aýmaǵyna eksporttalady.
Kásiporyn basshysy Ǵazız Ýalıhanovtyń aıtýynsha, jobanyń ekonomıka úshin berer paıdasy óte úlken. Sebebi búginde halyq negizinen shetelden keletin dezınfeksııalyq ónimder tutynady. Osylaısha, eksporttyq taýardy satyp alý arqyly sheteldiń ekonomıkasyna paıda túsip jatyr. Sondyqtan tabysty ózimizde qaldyrý úshin dezınfeksııalyq ónimderdiń otandyq balama túrin shyǵaryp, halyq sony jappaı satyp alýy qajet. Kompanııa basshysynyń pikirinshe, bul jerde birinshi kezekte baǵa men sapa naryq básekelestiginde úlken ról oınaıdy. Bul rette, arnaıy ekonomıkalyq aımaqtaǵy kásiporyndar úshin memleket usynǵan jeńildikterdi paıdalanyp, baǵa jaǵynan sheteldik ónimdermen básekelestikte des bermeý qajet.
Sondaı-aq jeke kásipker sapaǵa mán berýdiń artyqshylyǵyna da toqtaldy. О́ıtkeni elimiz erkin ekonomıkalyq aımaqta ómir súrip jatyr. Iаǵnı shetelden keletin taýarlarǵa ishki naryqta eshqandaı kedergi joq. Halyq baǵasy men sapasyna qaraı ózine unaǵan taýardy tańdap alady. Sondyqtan suranysty arttyrý úshin otandyq taýarlardyń sapasy myqty bolýy shart. Bul da ońaı sharýa emes. Sebebi oǵan ǵylymı izdenis pen úlken eńbek kerek. Osy tusta Prezıdent Qasym-Jomart Toqaevtyń otandyq ǵylymdy damytyp, ǵalymdardyń ǵylymı eńbekterin kommersııalaýǵa múmkindik berýiniń máni aıqyn kórinedi. Jeke kásipker Ǵ.Ýalıhanov sondyqtan óz sózinde ishki naryqty sapaly hımııalyq, dezınfeksııalyq ónimdermen qamtamasyz etip, onyń shetelde de suranysynyń artýyna jaǵdaı jasaıtynyn aıtty.
Megapolıste iske asyrylǵan úshinshi mańyzdy joba – «Sauran Bricks» JShS-nyń avtoklavty gazdy beton óndiretin jańa zaýyty. Osy joba arqyly seriktestik basshylyǵy men jergilikti atqarýshy bılik respýblıkanyń búkil ońtústik óńirin sapaly qurylys materıaldarymen qamtamasyz etýdi maqsat etip otyr. Zaýyttyń jalpy ınvestısııalyq quny – 7,8 mlrd teńge. Kásiporyn tolyq qýattylyǵyna kóshken kezde úsh aýysymda 150 adam turaqty eńbek etedi. Zaýyttyń óndiristik qýaty jylyna 200 myń tekshe metr (kúnine 555 tekshe metr nemese aıyna 16 500 tekshe metr) ónim shyǵarýǵa jetedi.
Jańa jobany iske asyrý úshin «Juldyz» ındýstrııalyq aımaǵynan 5,2 gektar jer telimi bólindi. Qazir zaýyttyń qurylys-montajdaý jumystary tolyǵymen aıaqtaldy, sondaı-aq qytaılyq KEDA kompanııasynyń zamanaýı, ári avtomattandyrylǵan tehnologııalaryna negizdelgen qural-jabdyqtary ornatyldy.
Zaýyt dırektory Qaısarbek Mahambettiń aıtýynsha, megapolıste sońǵy jyldary qurylys qarqyny artyp keledi. Bul birinshi kezekte shahardyń respýblıkalyq máni bar qala mártebesin alýymen baılanysty bolyp tur.
Jalpy alǵanda, iske qosylǵan ilkimdi jobalar aımaq ekonomıkasyn alǵa súırep, elimizdiń áleýetin arttyrýǵa septigin tıgizerine senim mol.