«Azamattarǵa arnalǵan úkimet» Memlekettik korporasııasynyń «Tanym» korporatıvtik oqý ortalyǵy 2025 jyldyń birinshi jartyjyldyǵyn qorytyndylady. Qańtar aıynan maýsymǵa deıin ortalyqta 30 memlekettik organ men kvazımemlekettik sektor uıymdarynań 4000-nan astam qyzmetker oqytyldy. Sabaqtar Qosyl meet platformasynda onlaın formatta ótti, dep jazady Egemen.kz.
Oqytý baǵdarlamasy azamattardyń ótinishterimen jumys isteý barysyndaǵy qyzmetkerlerdiń jaýapkershiligi týraly naqty túsinik qalyptastyrýǵa baǵyttaldy. Qazaqstandyqtardyń árbir suranysy jan-jaqty qaralyp, ótinish berýshiler sapaly, tolyq jaýap alýy úshin prosesterdiń ashyqtyǵy men tıimdiligin qamtamasyz etýge erekshe nazar aýdaryldy.
Osy maqsatta «Tanym» ortalyǵy Bas prokýratýranyń, SDIAО́M memlekettik qyzmetter komıtetiniń, Ádilet mınıstrliginiń, Mádenıet jáne aqparat mınıstrliginiń, sondaı-aq Memlekettik korporasııanyń sarapshylaryn shaqyrdy.
Sabaq barysynda spıkerler ákimshilik rásimderdiń qaǵıdattaryn qosa alǵanda, ótinishterdi tirkeý jáne esepke alý jónindegi zańnamanyń talaptaryn, sondaı-aq ótinishtermen jumys isteýdiń quqyqtyq negizderin túsindirdi. Bul bilim mamandarǵa azamattarmen qarym-qatynasty saýatty qurýǵa jáne bıýrokratııalyq kedergilerdi azaıtýǵa kómektesedi.
Azamattar men bıznes ókilderin jeke qabyldaý boıynsha arnaıy oqý blogy da qarastyryldy. Tyńdaýshylar mundaı kezdesýlerdi ótkizýdiń úzdik tájirıbelerimen, tıimdi dıalog qurý jáne qıyn jaǵdaılardy retteý tásilderimen tanysty. Bul óte mańyzdy taqyryptar, sebebi qatysýshylar úshin «e-О́tinish» júıesinde jumys isteýden basqa, erekshe daǵdylardy talap etetin halyqpen tikeleı qarym-qatynas formaty da suranysqa ıe bolyp qala beredi.
Sonymen qatar, qatysýshylar jasyryn Memlekettik qyzmetterdi anyqtaý ádistemelerin jáne olardyń qoljetimdiligin arttyrý úshin sıfrlyq quraldardy paıdalanýdy zerttedi. Memlekettik korporasııa arqyly ártúrli memlekettik organdardyń 50-den astam aqparattyq júıelerdiń qatysýymen memlekettik qyzmetterdiń keń spektri usynylatyndyqtan bul taqyryp ta mańyzdy. Memlekettik qyzmetter azamattarǵa jyldam ári sapaly kórsetilý úshin vedomstvolar arasyndaǵy úılesimdi ózara is-qımyldy talap etedi.
Tájirıbelik sabaqtar men jasalatyn qatelikterdi taldaý tyńdaýshylarǵa birlesip jumys jasaýdyń, bıýrokratııalyq kedergilerdi azaıtýdyń jáne barlyq kezeńderde júıeli qyzmet kórsetý úshin jaǵdaı jasaýdyń mańyzyn túsinýge kómektesti.
«Tanym» korporatıvtik oqý ortalyǵy kadrlyq áleýetti damytýǵa jáne oqytýǵa, zamanaýı tásilderdi engizýge basa nazar aýdara otyryp, osy baǵyttaǵy jumysty jalǵastyrady.